web counter
LEXO PA REKLAMA!

SHKARKO APP

App Store
Google Play

Çështja e Butrintit/ Forumi për Mbrojtjen e Trashëgimisë Kulturore, dy pyetje për Margaritin

8 Maj 2022, 19:57, Aktualitet CNA

Forumi për Mbrojtjen e Trashëgimisë Kulturore ka reaguar pas deklaratës së ministres së Kulturës, Elva Margariti, për çështjen e Butrintit.

Me anë të një statusi në rrjetet sociale, Forumi i drejton dy pyetje ministres, ndërsa kërkon të sqarohet publiku lidhur me koncesionin.

Forumi pyet për CV-të e bordit që do ta administrojë Butrintin si Trashëgimi Kulturore dhe për shkrirjen e bordit të krijuar në vitin 2000.

?Dy pyetje për ministren Margariti

Në vazhdën e postimeve të ministres mbi çështjen Butrintit, duhet të sqarohet publiku se askush nga specialistët që po kundërshtojnë mënyrën se si Ministria e Kulturës po kërkon të japë një prej pasurive më të rëndësishme të trashëgimisë nuk ka denoncuar shitjen e tij.

Ajo që po përsëritet prej dy vitesh është fakti që Butrinti po i jepet në menaxhim një fondacioni të krijuar nga znj.Margariti dhe presidentet e AADF z.Sarapuli dhe z. Mata, juristja Flonja Tashko dhe arkeologu britanik Richard Hodges.

A mund të thotë ministrja e Kulturës cila është CV e këtij bordi që do administrojë Butrintin në fushën e trashëgimisë?

Së dyti, Butrinti ka një bord të krijuar në vitin 2000 me anëtarë Institutin e Arkeologjisë, Institutin e Monumenteve, Agjencinë e Mjedisit, pushtetin vendor dhe zyrën e UNESCO. Përse ky bord nuk ekziston më? A ka arsye që ministria e ka mbyllur këtë bord? Bazuar në cilën VKM ky bord ka pushuar së ekzistuari??, deklaron Forumi për Mbrojtjen e Trashëgimisë Kulturore./ CNA.al





Lajmet e fundit nga