E fundit!

09:03 Aktualitet

Amnistia Penale hyn në fuqi, qindra të dënuar lënë sot burgjet/ Ja kush përfiton dhe kush përjashtohet

Ka nisur zbatimi i Amnistisë Penale, duke sjellë ndryshime...

Krimi “mbërthen” vendin/ Vrasjet, droga, dhuna dhe abuzimi me detyrën shënojnë rritje

8 Maj 2022, 08:43, Aktualitet CNA

Në vitin 2021 janë evidentuar gjithsej 35.175 vepra penale, 7,5 % më shumë, krahasuar me vitin 2020.

Sipas INSTAT, në raport me popullsinë në vitin 2021 janë evidentuar 125,1 vepra penale për 10 mijë banorë, nga 115,4 që ishin në vitin 2020.

Veprat penale ?Dhunë në familje?, “Krime në fushën e drogës”, ?Shkelja e rregullave të qarkullimit rrugor?, ?Vrasje me dashje?, ?Mashtrime? dhe ?Vjedhje duke shpërdoruar detyrën? janë rritur, krahasuar me vitin e kaluar, ndërsa pjesa tjetër e veprave penale ka pësuar rënie.

Në vitin 2021 janë regjistruar 39.328 autorë për vepra penale, 4,0 % më pak, krahasuar me vitin 2020.

Numri i autorëve sipas veprave penale përfshin numrin e personave të dyshuar të cilët mund të jenë të pranishëm në më shumë se një vepër penale dhe autori numërohet në të gjitha veprat ku është i dyshuar.

Ndërkohë, numri i autorëve pa përsëritje në veprat penale, në vitin 2021 është 35.745 autorë, 1,5 % më shumë, krahasuar me vitin 2020.

Meshkujt përbëjnë 93,8 % të totalit të autorëve të veprave penale.

Në vitin 2021, 33,8 % e autorëve janë të grupmoshës 30-44 vjeç, 28,1 % të grupmoshës 18-29 vjeç dhe 22,1 % i përkasin grupmoshës 45-59 vjeç. Edhe në raport me popullsinë, renditja e autorëve sipas grupmoshave është e njëjtë.

Në vitin 2021, janë regjistruar 16.910 persona të dëmtuar, 5,2 % më pak, krahasuar me vitin 2020. Personat e dëmtuar për krime kundër personit përbëjnë 37,9 % të totalit të personave të dëmtuar.

Në vitin 2021, në totalin e personave të dëmtuar për krime kundër personit, femrat përbëjnë 27,8 % të të dëmtuarve dhe përqindja më e madhe e tyre vihet re në krime seksuale, krime kundër moralit dhe dinjitetit, si edhe krime kundër fëmijëve, martesës dhe familjes.

Procedime penale

Në vitin 2021, numri i procedimeve penale të regjistruara është 28.349 procedime, 1,8 % më shumë, krahasuar me vitin 2020. Nga 25.688 procedime penale të përfunduara, 23,3 % e tyre janë pushuar, 34,7 % janë pezulluar dhe 42 % janë dërguar për gjykim në gjykatë./CNA.al