web counter
LEXO PA REKLAMA!

SHKARKO APP

App Store
Google Play

E fundit!

x

Një “skifter në administratë”/ Si po arrestohen drejtorët e Ramës

7 Maj 2022, 11:58, Aktualitet CNA

Drejtori i Ujësjellësit të Kurbinit, Alfred Prodani, është vënë sot në pranga, pasi ishte shpallur në kërkim nga gjykatat spanjolle, për akuzën e vjedhjes së kryer në bashkëpunim.

Ndaj tij kishte një mandat arresti lëshuar në 2013-ën nga gjykata e Corunës, dhe i mbëritur pak ditë më parë në prokurorinë e Laçit.
Zyrtari i PS-së dhe njëherësh zyrtari i administratës shtetërore, dyshohet se ka marrë pjesë në të paktën 40 episode të vjedhjes me dhunë, të banesave në Spanjë.

Mediat raportojnë se ai akuzohet për pjesëmarrje edhe në grabitjen e shtëpisë së yllit të Real Madridit, Karim Benzema.
Operacioni policor i koduar ?Coruna? u finalizua në bashkëpunim me Interpol Tirana.

Tashmë Prodani pritet të ekstradohet në Spanjë, falë edhe një marrëveshjeje të ndërsjelltë mes dy shteteve që u miratua nga Kuvendi në mars 2022.

Kush është Alfred Prodani?

Prej 9-vitesh Alfred Prodani mbante postin e drejtorit të Ujësjellës-Kanalizimeve në Kurbin, si përfaqësues i Partisë Socialiste.

Emri i tij është lakuar edhe më herët, ndaj tij janë hedhur akuza të ndryshme, që ai vetë i ka mohuar, ndërkohë nga PS-ja nuk ka pasur kurrë një reagim.
Nuk dihet nëse ai ka arritur të jetë në liri deri më tani, ndërkohë që në kërkim ndërkombëtar ka qenë prej 9 vitesh.

Ka qenë posti detyra që mbante që nuk është prekur, është mbrojtur nga forca politike, ku bënte pjesë, apo është neglizhuar nga institucionet e drejtësisë.

Kujtojmë se Alfred Prodani është denoncuar tri vite më parë nga ish-kryeministri Sali Berisha, se ka marrë pjesë në grabitjen e shtëpisë së sulmuesit të Realit të Madridit, Karim Benzema.

?Një pyetje nga qytetari i Laçit për Edvinin: Ku janë dy narkodrejtorë që janë zhdukur?!?, shkruan Berisha, duke vijuar me publikimin e denoncimit: Përshëndetje z. Berisha, jam një qytetar nga Laçi. Ma pyet pak Kryeministrin ku ndodhen dy drejtorët, njëri prej të cilëve i Ujësjellësit, apo janë në burg në Spanjë, ku akuzohen për vjedhjen e shtëpisë së futbollistit të Real Madridit, Benzema. Qyteti i Laçit është pa dy drejtorë?, thuhej në mesazhin dërguar Berishës.
Më 27 shkurt 2019 gjatë kohës që po luhej derbi mes Real Madridit dhe Barcelonës, banesa e Benzemasë ra pre e një grabitjeje.

 

Pasuria e Prodanit

Nuk ka shumë të dhëna rreth pasurisë së Alfred Prodanit. Po për dy vite që janë të pasqyruara në Open Spending Albania, nuk rezulton të ketë të ardhura nga qiraja e një lokali dhe nga ujësjellësi ku punonte.
Kështu, në vitit 2016 ai deklaron të ardhura nga paga si administrator i Përgjithshëm i Ujësjellësit, sh.a, Laç, Kurbin, deri më 31.12.2016, në shumën 522 096 lekë.

Të ardhura nga paga si kryetar i Këshillit të Administrimit të Ujësjellësit, sh.a Kurbin deri më 31.12.2016, shuma 191 250 lekë si dhe të ardhura nga qiraja e lokalit, 102 000 lekë.

Gjithashtu ai deklaron edhe pensionet e prindërve, përkatësisht në shumat 230 000 lekë për babain dhe 174 816 lekë për nënën.

Edhe në vitin 2017 ai deklaron të ardhura nga paga si administrator i Përgjithshëm i Ujësjellësit, sh.a, Laç, Kurbin deri më 31.12.2017, shuma 823 968 lekë.

Të ardhura nga paga si kryetar i Këshillit të Administrimit të Ujësjellësit, sh.a Kurbin deri më 31.12.2017, shuma 306 000 lekë./CNA.al





Lajmet e fundit nga