web counter
LEXO PA REKLAMA!

SHKARKO APP

App Store
Google Play

Larg ‘duart’ nga drejtësia!/ “Qeveria nuk mund të caktojë se kush duhet të arrestohet”

7 Maj 2022, 17:51, Aktualitet CNA

Nga Asambleja e PS-së, kryeministri Edi Rama ka sulmuar sërish sot SPAK-u duke thënë se këtij institucioni po i mbaron koha që të hetojë Berishën, Metën apo gjykatësit e prokurorët.

Lidhur me këtë ka reaguar dhe kreu i PAA, Agron Duka, i cili i konsideron si të paprecedenta këto thirrje dhe ndërhyrje në punët e drejtësisë.

PAA e vlereson këtë si një situatë të rëndë dhe kërkon që politika të qëndrojë larg drejtësisë.

?Qeveria nuk mund të caktojë se kush duhet të arrestohet!

Sulmet e kryeministrit Rama ndaj prokurorisë speciale SPAK janë të paprecedenta. Thirrjet e tij për të hetuar X apo Y politikan apo zyrtar, janë një ndërhyrje e rëndë në punët e drejtësisë. Askush, as kryeministri, as presidenti, as kreu i opozitës, nuk mund të vendosin se kush duhet arrestuar e kush duhet akuzuar.

SPAK është produkt i reformës në drejtësi, që ende vazhdon, i reformës që shkaktoi aq shumë debate por që në fund e pranuam si një nevojë. Por kjo strukturë është gjendur shpesh nën sulme politike, sa nga opozita aq dhe nga mazhoranca. Opozita e akuzon sepse nuk heton korrupsionin në radhët e qeverisë dhe qeveria e akuzon se nuk arreston krerët e opozitës.

PAA e vlereson këtë si një situatë të rëndë dhe kërkon që politika të qëndrojë larg drejtësisë.

PAA e inkurajon prokurorinë të hetojë në mënyrë të paanshme aferat korruptive, pa pyetur se në cilën anë të politikës janë autorët.

Ne i bëjmë thirrje faktorit ndërkombëtar që mbështet vijimin e reformës në drejtësi, që të reagojë për të frenuar përpjekjet që vijnë nga qeveria për të caktuar se kush duhet arrestuar dhe për të diktuar axhendën e punës së drejtësisë.?/CNA.al

 





Lajmet e fundit nga