web counter
LEXO PA REKLAMA!

SHKARKO APP

App Store
Google Play

E fundit!

x

Vrasja tragjike e nënkomisarit/ Bledi Çuçi “ngre” flamujt e fitores me kanabisin

29 Shtator 2021, 07:34, Aktualitet CNA

Ende nuk ka një informacion të saktë zyrtarë në lidhjen me ngjarjen e rëndë që ndodhi dje në Lezhë dhe që ka tronditur mbarë opinionin publik.

Të paktën Ministri i Brendshëm këtë konfirmoi sot në mëngjes përballë mediave.

Çuçi iu ka thënë gazetarëve që në Drejtorinë  policisë do të merrni informacion  e duhura, dhe vetë si Ministër nuk ka asnjë përgjigje për humbjen e jetën në mënyrë tragjike të efektivit të Policisë, Saimir Hoxha.

?Nuk e di a e prisni sqarimin po policia e ka bërë të qartë arsyen pse ishin në atë ngjarje tragjike, një nga oficerët më të mirë. Besoj se në Drejtorinë e Policisë do merrni informacionet e duhura.

Siç e theksova, ne përveç strategjisë për të luftuar këtë fenomen, tashmë po vendosim ura bashkëpunimi me partnerët tanë europianë. Ne kemi operacione të përbashkëta me policitë europiane sa i përket emigracionit të jashtëligjshëm dhe trafiqeve?, ka thënë Çuçi.

Ndër të tjera Çuçi ka ngritur flamujt e fitores mbi luftën kundër kanabis, duke harruar se çfarë ka ndodhur një ditë më parë.

Ai ka shkuar edhe më tej, duke thënë se në vendin tonë nuk ka patur parcela të zbuluara me kanabis, pasi sipas tij operacionet e policisë janë shtrirë në gjithë vendin.

Ndër të tjera. ai u shpreh se ky vit është një nga vitet ku prodhimi i lëndëve narkotike ka rënë në mënyrë drastike në vendin tonë, duke e trumbetuar këtë si një sukses të policisë shqiptare.

Sipas  tij, gjatë këtij viti në brigjet tona nuk është kapur asnjë gomone që të transportonte kanabis apo ndonjë lëndë tjetër narkotike drejt brigjeve të Italisë.

Deklarata e Çuçit është dhënë pas takimit që ai pati me homologun austriak Karl Nehamer. /CNA.al





Lajmet e fundit nga