web counter
LEXO PA REKLAMA!

SHKARKO APP

App Store
Google Play

E fundit!

x

"87% e mësuesve të vaksinuar"/ Kushi: Vendimi për mësimin me turne nuk është përfundimtar

28 Shtator 2021, 16:25, Aktualitet CNA

Ministrja e Arsimit Evis Kushi ka kërkuar mirëkuptimin e të gjithë prindërve për kohëzgjatjen e mësimit dhe zhvillimin e tij me disa turne.

E ftuar në News 24, Kushi tha se ky vendim nuk është përfundimtar pasi bëhet vlerësim i situatës pandemike në vend.

Më tej ministrja deklaroi se mësimi është i ngarkuar kryesisht në shkollat e qendrave të mëdha urbane ndërsa në ato rurale çdo gjë vazhdon normalisht. Po ashtu ministrja bëri me dije se sipas shifrave të fundit 87% e mësuesve janë të vaksinuar, 71% prej tyre kanë marrë dy doza.

?Unë e mirëkuptoj shqetësimi për kohëzgjatjen dhe mësimin me dy turne, por duhet të kuptojmë se jemi në kohë pandemie. Jemi dëshmitarë që kohët e fundit kemi pasur rritje të rasteve të reja. Ky vendim nuk është përfundimtar për të gjithë vitin shkollor.

Tek shkollat e dëmtuara nga tërmeti ka edhe mësim me 4 turne dhe në këto raste jemi të detyruar ta bëjmë mësimin për 30 minuta.  Vitet e fundit ne aplikojmë 6 orë për 3 lëndë. Shpresoj që prindërit të na mirëkuptojnë për vendimet që kemi marrë. Procesi i vaksinimit të mësuesve po shkon shumë mirë. Sot 87% e mësuesve janë vaksinuar, nga këta 71% kanë marrë dy dozat”, tha Kushi.

Kushi gjithashtu tha se asnjë mësues deri tani nuk ka refuzuar të marrë vaksinën dhe nëse ndodh një gjë e tillë ai duhet të paraqesë test PCR çdo javë.

?Nuk kam parë rast të mësuesve që refuzojnë të vaksinohen. Rastet e tyre që nuk janë vaksinuar janë ata që e kanë kaluar Covid pak kohë më parë ose kanë sëmundje të tjera. Në rastet që mësuesit refuzojnë vaksinën duhet test PCR çdo javë. Ky është një urdhër nga MSH?, tha Kushi./ CNA.al





Lajmet e fundit nga