web counter
LEXO PA REKLAMA!

SHKARKO APP

App Store
Google Play

E fundit!

x

Krimi zgjedhor dhe imuniteti i Ballukut/ Kreu i SPAK vendos pikat mb “i”: Pa prova nuk ngrihen akuza

15 Korrik 2026, 11:07, Aktualitet CNA

Krimi zgjedhor dhe imuniteti i Ballukut/ Kreu i SPAK vendos pikat mb

Kreu i Prokurorisë së Posaçme, Klodjan Braho ka folur për çështjen e krimit zgjedhor dhe kërkesën e SPAK për imunitetin e ish-zëvendëskryeministren Belinda Balluku.

Duke iu referuar krimit zgjedhor, kreu i SPAK deklaroi se bëhet fjalë për një fenomen shqetësues, i cili nuk lidhet vetëm me vitet e fundit, por ka një shtrirje më të hershme.

“Sa i përket krimit zgjedhor, patëm një diskutim të gjerë në funksionin përkatës dhe dhamë parashtrimet tona, bashkë me shifrat që disponojmë në mënyrë të përmbledhur. Krimi zgjedhor është një fenomen shqetësues. Nuk është krijuar në një apo dy vite, por është një fenomen i një periudhe më të hershme”, u shpreh ai.

Kreu i SPAK theksoi se procedimet penale dhe akuzat ngrihen vetëm kur ekzistojnë prova, duke kundërshtuar lidhjen e hetimeve me perceptime apo qëndrime politike.

“Çështja përfshihet në akuzë kur gjenden prova. Pa prova nuk ngrihen akuza. Ne nuk nisemi nga perceptimi, por nga provat. Nuk shoh lidhje të rasteve konkrete me çështjet zgjedhore; ky është një perceptim politik”, deklaroi ai.

Në lidhje me hetimin që përfshin zv/kryeministren Belinda Balluku, kreu i SPAK tha se institucioni ka qenë i qartë për kërkesat e tij, ndërsa nuk komentoi vendimmarrjen e Kuvendit.

“Prokuroria ka qenë e qartë për atë që ka kërkuar, por nuk e vlerësoj dot qëndrimin e Kuvendit për çështjen konkrete. SPAK ka pasqyruar me dyer të mbyllura atë që ka kërkuar dhe reagimi i SPAK është i qartë pas vendimmarrjes së Kuvendit”, tha ai./ CNA





Lajmet e fundit nga