268 efektivë të vrarë në krye të detyrës/ Kreu i Sindikatës: Ekzekutimi i nënkomisarit Hoxha, dobësi e menaxhimit!

28 Shtator 2021, 17:16, Aktualitet CNA

Kreu i Sindikatës së Policisë Sadedin Fishta, duke folur për ngjarjen e sotme, ku mbeti i vrarë nënkomisari Saimir Hoxha, tha se numri i policëve të rënë në krye të detyrës në vendin tonë po shtohet çdo ditë e më shumë.

I ftuar në Report tv, ai bëri me dije se që nga viti 1991, numri i efektivëve të vrarë në krye të detyrës ka arritur në 268, një shifër kjom shumë e lartë në raport me numrin e banorëve.

” Saimir Hoxha është dëshmori i 268 i efektivëve të policisë së shtetit që nga 91 në momentin kur filloi tranzicioni. Puna e policit ka rreziqe por mënyra si drejtohet detyra e policisë ka rol sidomos sa i përket krimit të ogranizuar. Çdo ditë e më tepër po shtohet numri i të rënëve në krye të detyrës. Dhe shtete që kanë numër më të madh banorësh s’kanë të rënë kaq shumë në krye të detyrës. Duhet të shohim thelbin e problemit ku çalon policia. Të ngresh armën kundër policisë do të thotë të ngresh dorë kundër shtetit. Kjo tregon ashpërsinë që kanë këto grupe për tiu përgjigjur forcave të rendit. Trajtimi që duhet tu bëhet punonjësve të policisë në shumë aspekte. Ato po sakrifikojnë jetën e tyre të fëmijëve të tyre…“, tha ai.

Fishta thotë se duhet bërë një analizë e organizmit të sotëm. Sipas tij vrasja e efektivit është dobësi e menaxhimit dhe se në policinë e shtetit ka nevojë për një tjetër frymë.

“Analiza se si ka qenë organizimi i sotëm s’mund të bëhet tani. Do theksoja se sot punonjësit e policisë kanë nevojë për trajtim tjetër për organizim tjetër dhe për frymë tjetër. Fryma e delegimit nga lart poshtë, për t’iu dhënë tjetër frymë në drejtimin e policisë. Dobësitë këtu duhet ti marrim të lidhura në vazhdimësi që nga momenti i marrjes së detyrës deri te realizimi i detyrës. Nëse kanë qenë në kontroll rutinë apo në një plan masash konkrete. Nëse kanë qenë në përputhje me urdhrat në kapjen e personave në kërkim. Fakti që ato kanë bërë një ndalim dhe s’kanë paisjet e duhura për t’iu përgjigjur një personi me armë, fakti që kanë pasur informacion që personi ka armë janë elementë për t’u hetuar”, tha ai./CNA.al