LEXO PA REKLAMA!

SHKARKO APP

Kontroll në letër në pikat doganore/ Gledis Nano firmos marrëveshjen e radhës

14 Prill 2022, 13:18, Aktualitet CNA
Kontroll në letër në pikat doganore/ Gledis Nano firmos

Drejtori i Përgjithshëm i Policisë së Shtetit Gledis Nano dhe Drejtori i Drejtorisë së Përgjithshme të Doganave Genti Gazheli, në vijim të Marrëveshjes së Bashkëpunimit mes Drejtorisë së Përgjithshme të Policisë së Shtetit dhe Drejtorisë së Përgjithshme të Doganave, firmosën Urdhrin e Përbashkët.

Urdhëri konsiston në forcimin e kontrollit të përbashkët nga strukturat policore dhe ato doganore, me qëllim parandalimin dhe goditjen e trafikimit të lëndëve narkotike, kontrabandës dhe krimeve të tjera ndërkufitare.

Nano dhe Gazheli vlerësuan bashkëpunimin e frytshëm midis strukturave që ata drejtojnë, në angazhimin dhe përdorimin optimal të burimeve njerëzore, teknike dhe buxhetore, me qëllim krijimin e lehtësirave ligjore për qarkullimin e shtetasve dhe të mallrave.

Modeli i bashkëpunimit dhe i funksionimit të Task Forcës permanente dhe rezultatet e arrira, në Portin e Durrësit dhe në Rinas, janë shumë inkurajuese për ta forcuar akoma edhe më shumë këtë bashkëpunim.

?Bashkëpunimi ndërsektorial përbën themelin e menaxhimit të integruar të kufirit, që kërkon ndarje të koordinuar të punës, vendosjen e standardeve për bashkëpunim, promovimin e përdorimit të përbashkët të të gjitha kapaciteteve, kanalet e komunikimit dhe sinkronizimin e procedurave të punës. Ky bashkëpunim mundëson angazhimin dhe përdorimin optimal të burimeve njerëzore, teknike dhe buxhetore të të dy agjencive, me qëllim lehtësimin e qarkullimit legjitim të shtetasve dhe mallrave, përmirësimit të sigurisë kufitare, si dhe parandalimin dhe goditjen e krimit ndërkufitar. Rregullorja që do të miratojmë sot është fryt i një përpjekjeje të përbashkët, që ka si qëllim forcimin e mëtejshëm të bashkëpunimit, mbikëqyrjes, kontrollit kufitar dhe doganor gjatë procedurave të hyrje-daljeve të shtetasve, mjeteve e mallrave?, ka thënë Nano.

Nga ana tjetër kreu i Doganave z. Gazheli ka thënë se objektivi kryesor i Urdhrit është themelimi i bashkëpunimit dhe forcimi i mbikëqyrjes, si dhe kontrolli gjatë procedurave të hyrje-daljeve të shtetasve dhe mjeteve shqiptare dhe të huaja në Pikat Doganore të Kalimit Kufitar.

?Zbatimi i procedurave që parashikon Urdhri i Përbashkët do të monitorohet në mënyrë të integruar nga të dyja autoritetet nënshkruese?, është shprehur Gazheli./CNA.al

Lajmet e fundit nga