LEXO PA REKLAMA!

SHKARKO APP

Raporti i DASH për Shqipërinë/ Kryemadhi: Peshku qelbet nga koka, do ishte përkufizimi troç e shqip!

13 Prill 2022, 19:11, Aktualitet CNA

Kryetarja e LSI, Monika Kryemadhi ka reaguar pas raportit të DASH për Shqipërinë.

Kryemadhi thekson se raporti i DASH është një skaner i arsyeve të krizës institucionale që ndikohen nga keqqeverisja e organizatës së strukturuar kriminale të inceneratorëve.

?Peshku qelbet nga koka?, do të ishte përkufizimi troç e shqip i raportit të DASH për Shqipërinë. E kam lexuar me shumë shqetësim çdo gjetje, që nga zgjedhjet me probleme, korrupsioni në çdo qelizë të qeverisjes, mungesa e pavarësisë së gjyqësorit edhe pas reformës në drejtësi, e deri tek kufizimi i lirive e të drejtave themelore. Përtej çdo justifikimi, raporti i DASH është skaner i arsyeve të krizës institucionale, ekonomike dhe të shpopullimit masiv, që ndikohen drejtëpërdrejtë nga keqqeverisja e organizatës së strukturuar kriminale të inceneratorëve.

E kuptueshme që qeveria e fasadave nuk i pëlqen raportet faktike por deklaratat propagandistike, ndaj i ftoj të lexojnë edhe deklaratën e sotme që zyrtari i INL ka bërë në Tiranë për aferën e inceneratorëve dhe pastrimin e parave të pista në ekonominë e Rilindjes?, shkruan ajo./CNA.al

 

Lajmet e fundit nga