web counter
LEXO PA REKLAMA!

SHKARKO APP

App Store
Google Play

E fundit!

x

Zingraf inspekton investimin në Pogradec/ Të merret shembull

14 Prill 2022, 10:25, Aktualitet CNA

Ambasadori i Republikës Federale Gjermane në Tiranë Z. Peter Zingraf bashkë me Kryetarin e Bashkisë Z. Ilir Xhakolli kanë inspektuar sot nga afër Impiantin e Përpunimit të Ujrave të Përdorura në fshatin Guras. Një investim me standarde europiane i realizuar mes dy qeverive, asaj Gjermane??dhe Shqiptare??

Në këtë inspektim morën pjesë edhe gazetarë të mediave qëndrore nga Tirana të cilët u njohën me të gjitha proceset e përpunimit dhe pastrimit të ujrave në këtë impiant i cili menaxhohet nga Ujesjelles Kanalizime Pogradec.

Z. Zingraf tha se ky është vetëm një nga investimet mjaft të suksesshme në Pogradec i cili duhet marrë si shembull edhe nga bashkitë e tjera në vend.

Ai shtoi se rruga e Shqipërisë për në BE përfshin edhe arritjen e standardeve të tilla në të mirë të mjedisit.

Ndërsa Z. Xhakolli teksa falenderoi Ambasadorin për kontributin e dhënë nga qeveria gjermane në ndërtimin e këtij impianti, tha se me një tjetër investim që po zbatohet në Buçimas me financim nga qeveria shqiptare do të bëhet e mundur që shumë shpejt të gjitha ujrat e fshatrave të kësaj njësie të përpunohen në këtë impiant.
Xhakolli shkoi më tej kur tha se projekte të tjera madhore do të zbatohen në vazhdimësi në bashkëpunim me qeverinë gjermane dhe me partnerët e tjerë, në sektorin e mjedisit, turizmit etj.

Qeveria Federale Gjermane prej 34 vitesh angazhohet si donatori më i madh dypalësh bashkë me partnerë të tjerë për njerëzit, natyrën dhe ekonominë në Shqipëri.





Lajmet e fundit nga