E fundit!

10:08 Aktualitet

“Bashkitë në fazë të re zhvillimi”/ Demo: Duhet projekte cilësore për të përthithur fondet e BE

Ministri i Shtetit për Pushtetin Vendor, Ervin Demo, dekla...

Gledis Nano me policë “të droguar”?/ Blofi me testin për lëndët narkotike

7 Prill 2022, 09:23, Aktualitet CNA

Vitin që kaloi, Drejtori i Përgjithshëm i Policisë së Shtetit, Gledis Nano, udhëroi kryerjen e testit të drogës për punonjësit e Policisë së Shtetit.

Me 22 Nnëtor 2021, Nano nënshkroi një marrëveshje me drejtuesit e laboratorit që do të kryenin testet.

Sipas Nanos, ky hap po ndërmerrej në kuadër të rritjes së standardeve dhe integritetit personal, për të ndaluar përdorimin e lëndëve narkotike nga ana e punonjësve të Policisë.

Gjithashtu ditën që firmosi kontratën me laboratorin që do të bënte testin anti-drogë, Nano tha se kjo është shumë e vlefshme për rritjen e imazhit të Policisë në komunitet dhe për fitimin e besimit të qytetarëve, sepse kryerja e testit periodik për përdorimin e lëndëve narkotike do të eliminojnë akuzat e dashakeqësitë ndaj Policisë së Shtetit.

Ditët e para pati një bum informacionesh, se janë bërë testet, janë konstatuar punonjës të policisë që përdornin lëndë narkotike, kanë nisur hetimet administrative dhe më pas gjithçka u hesht.

Fillimisht u njoftua nga Policia se për 1736 punonjës policie është kryer proceduara e testeve të drogës si dhe do të vijojë edhe për personat e tjerë në të cilën kanë një rol më të lartë drejtuesish në kupolën e policisë së shtetit.

Në muajin Shkurt të këtij viti, u raportua se 45 efektivë të policisë të cilët kanë rezultuar pozitiv në testin e drogës të bërë në laboratorin privat do të hetohen nga drejtoria e standarteve profesionale.

Kontrolli ndaj tyre, para se të përjashtoheshin përfundimisht parashikonte kryerjen e një testi të dytë.

Hetimi i dytë ka të bëjë me historikun e punës dhe kontaktet e personave që këto efeketiv të policisë kanë pasur.

Nuk dihet çka ndodhur me hetimet e dyta, dhe as se si ka shkuar testimi anti-drogë në radhët e policisë, në rang vendi.

Tashmë askush nuk dëgjohet, të gjithë heshtin.

Gledis Nano herë pas herë shfaqet duke dhënë dekoratat dhe duke prerë shirita dhe asnjë fjalë më për urdhërin, me të cilin bëri bujë në media.

A u testuan të 11 mjë punonjësit e Policisë, çfarë ndodhi me kontestimet e policëve që pretenduar se raporti për ta nuk është i rregullt?

Nuk ka më transparencë, ndërkohë që herë pas here ka pasur arrestime të punonjësve të Policisë si të përfshirë në trafikun e narkotikëve.

Në fund të Dhjetorit të vitit të kaluar, Shërbimi për Çështjet e Brendshme dhe Ankesat (SHÇBA) ka lëshuar urdhër-arresti për 5 policë në Qarkun e Fierit, të akuzuar për kultivim droge dhe shpërdorim detyre.

Në pranga ka rënë shefi i seksionit të krimeve në Mallakastër, Komisar E. M., nënkomisari i Policisë së Mallakastrës E. V. dhe disa inspektorë.

Këta punonjës policie dyshohet se kanë shpërdoruar detyrën gjatë periudhës qershor ? shtator 2021 duke lejuar, apo favorizuar veprimtarinë kriminale të disa shtetasve të arrestuar më parë nga Prokuroria e Rrethit Fier për kultivim të bimëve narkotike.

Si këta janë edhe dhjetra punonjës të tjerë policie, që janë vënë nën hetim në lidhje me drogën.

I shërbejnë drogës, për biznes, trafik apo edhe për përdorim vetjak, kjo çështjet nuk është sqaruar kurrë.

Pasi edhe me testimin e famshëm anti-drogë në radhët e policisë, nuk dihet çka ndodhur, ka përfunduar apo jo dhe nëse po si ka përfunduar.

Për më tepër në radhët e Policisë, ka njerëz që janë hetuar nga nga Krimet e Rënda , sot SPAK, dhe çështjet e tyre janë mbyllur në mënyrë të dyshimtë./CNA.al