web counter
LEXO PA REKLAMA!

SHKARKO APP

App Store
Google Play

E fundit!

x

“Një maloke më pak”/ Protestë para KPK-së kundër diskriminimit dhe kapjes së drejtësisë

6 Prill 2022, 14:53, Aktualitet CNA

Deklarata skandale e anëtares së KPK Genta Bungo e cila ka kërkuar shkarkimin e drejtueses së Prokurorisë së Tiranës, Elisabeta Imeraj, sepse ajo është ?maloke?, ka shkaktuar shumë zhurmë në opinion publik.

Termi diskriminues i përdorur nga anëtarja e Vettingut është dënuar nga të gjithë, si fyerje dhe diskriminim mbi baza krahinore.

Për këtë, ditën e premte, më datë 08.04.2022 ora 12.00 përpara Komisionit të Posaçëm të Kualifikimit do të mbahet një protestë kundër diskriminimit.

Thirrja për protestë:

Ditën e premte, më datë 08.04.2022 ora 12.00 përpara Komisionit të Posaçëm të Kualifikimit (KPK), me adresë: Rruga Kavajës, ish Ministria e Kulturës, zhvillohet tubimi qytetar kundër:

Diskriminimit racor.

Diskriminimit të prejardhjes.

Kapjes së Sistemit të Drejtësisë.

Të bëhemi bashkë të gjithë  për të ndryshuar këtë vend.

Kujtojmë se gjatë seancës së vetingut në KPA, drejtuesja e Prokurorisë së Tiranës Elisabeta Imeraj ka zbardhur një prej mesazheve që anëtarja e vetingut Genta Bungo, ka dërguar duke paragjykuar prejardhjen e magjistratëve.

?Zonja Genta Bungo ka një paragjykim të tmerrshëm për subjektin e rivlerësimit. Ça të duhet, ajo qeshi ça të duhet, një maloke më pak? Pupupupu! Unë u largova se ajo ishte eprorja ime?-deklaroi Imeraj./E.K-CNA.al

 





Lajmet e fundit nga