web counter
LEXO PA REKLAMA!

SHKARKO APP

App Store
Google Play

Një leksion që duhet të mësojmë nga Irfani

2022-09-04 17:10:00, Editorial CNA
Një leksion që duhet të mësojmë nga Irfani
Irfan Hysenbelliu

Pas zbatimit të ligjit nga INUK për prishjen e disa pishinave pa leje në “Prestige Resort”, në media qarkullojnë rëndomë dy teza.

E para është për Taulant Ballën. Për faktin se ka qenë disa muaj me pushime në krah të Irfan Hysenbelliut, raportim i bërë nga CNA.al, duke thënë se Irfani ka dy vëllezër në fakt, Taulant Ballën e PS-së dhe Lulin që i thotë Luke, nga PD-ja.

Turpësisht, Irfani sepse po i zbatohet ligji për ato ndërtimet që ka bërë pa leje nxjerr video të Taulant Ballës dhe thotë këtu ka ngrënë bukë, ka ndenjur dy muaj, s’ka paguar lekët, e të tjera si këto.

Në fakt, Irfani e ka zakon që i thërret dhe i përflet njerëzit dhe kjo që po ndodh me Taulantin është më e turpshmja nga të gjitha.

Një leksion që duhet të mësojmë nga Irfani
Irfan Hysenbelliu

Nga ana tjetër, Mero Baze dje raportoi se ka nxjerrë edhe një foto të Ervin Salianjit që qarkullon. Të dy këto janë shumë të rëndomë si raste sepse ky është pikërisht momenti për të thënë kujdes kur hani, pini dhe shkoni tek Irfani.

Pra, a ka më të turpshme dhe amorale sesa fakti që të shkosh, të hash, të pish, të flesh si i ftuar, të shkosh të paguash e të të thonë jo se janë të paguara nga lokali, nga miku jot, nga vëllai jot. Apo të shkosh në shtëpinë e dikujt, të hash, të pish dhe më pas të të nxjerrin videot dhe të të thonë, shiko se kjo shtëpia ishte e imja, ishte pa leje dhe tani që po e prishin ti nuk po flet. E meqë nuk po flet, unë po të nxjerr ty foto dhe video kur ti ke ngrënë bukë tek shtëpia ime.

Një leksion që duhet të mësojmë nga Irfani
Deputeti Ervin Salianji

Ky është morali i Irfanit, është momenti për t’i qëndruar shumë larg. Ndoshta është leksion për ta mësuar edhe deputetë të opozitës, sepse siç po nxjerrin sot materialet për Taulantin, do të nxjerrin materialet edhe për Ervinin, apo për çdo deputet tjetër që ka ngrënë e pirë, apo ka kërkuar të marrë ato benefitet e kostumit politik që i marrin rëndomë politikanët tanë dhe që kthehen në qesharakë për një kockë që mund të hedhë Irfani.

Tek “Prestige Resort” po zbatohet ligji, por gjithashtu po jepet edhe një leksion tjetër. Të gjithë po mësojmë se si Irfani po përgojon ata që ha, pi, që i fton në shtëpi dhe më pas gjithçka ndodh i nxjerr në pazar.

Ky është momenti që të gjithë ta lexojnë e kuptojnë dhe t’i qëndrojnë sa më larg Irfanëve apo të tillë personazheve të jetës publike dhe politike në vend./ CNA.al





10:57 Editorial

Irfan in a nutshell

For several weeks, some of the main media in the country, ...

Lajmet e fundit nga