Shteti s’ka zyra, paguajnë qira marramendëse/ Irfan Hysenbelliu i merr godinat

20 Gusht 2022, 12:58, Denoncim CNA

Shteti s’ka zyra, paguajnë qira marramendëse/ Irfan Hysenbelliu

Nuk është rasti i parë kur faktet, të cilat nga verifikimi i dokumenteve apo të dhënave zyrtare rezulton se Qeveria shqiptare dhe institucionet e shtetit shqiptar kanë nevojë për zyra.

Shumë struktura të institucioneve zhvillojnë aktivitetin e tyre në objekte me qira.

Përmendin këtu objektet që merren që nga Bashkia e Tiranës, Qeveria, Tatimet, Hipotekat, Doganat, e kështu me radhë.

Shumë zyra u dëmtuan edhe gjatë tërmetit e të tjera po shemben. Pritet që me ndërtimin e bulevardit të ri të ketë një zgjidhje.

Bashkia merr një përqindje të caktuar zyrash nga pallatet që ndërtohen në toka ku është bashkëpronar edhe institucioni.

Por sërish administrata ka nevojë.

Nga ana tjetër ndodh një fenomen i çuditshëm.

Edhe pse s’ka zyra, ato merren me qira dhe shteti paguan sa frëngu pulën, pra me çmimet e tregut, të cilat variojnë nga minimumi dhjetë euro për metër katror dhe shumë më shtrenjtë në vendet që kanë kosto më të lartë.

Ndërsa objektet që ka vetë, Qeveria dhe shteti i merr privati. Mjafton të kesh media, të kesh një gazetë, të kesh një televizion dhe pastaj konviktet e studentëve të nxënësve, të cilat mund të kthehen në zyra shteti apo mund t’i shërbejnë administratës së arsimit shqiptar apo mund t’i shërbejnë Bashkisë së Tiranës dhe institucioneve të tjera, i rrëmben, i merr me kontrata qesharake, sepse je pronar mediash.

Kështu ka ndodhur me godinën e nxënësve të gjuhëve të huaja në kryeqytet, një godinë në qendër të Tiranës pranë ambasadës amerikane, për të cilën Irfan Hysenbelliu ka bërë një betejë të gjatë.

Lulzim Basha e dha me një kontratë qesharake, e cila u pezullua nga Qeveria e Berishës e më pas kjo godinë iu dha Qendrës së Studimeve Albanologjike.

Dhe një ditë të bukur sërish e mori Bashkia e Tiranës, dhe ia dha me qira Irfan Hysenbelliut, ndërkohë që shteti s’ka zyra, ndërkohë që godinën e kërkonte universiteti.

Pra, pronën publike të shqiptarëve e ka marrë me qira nga shteti, Irfan Hysenbelliu.

Kurse, zyrat e shtetit, doganat, tatimet, bashkia e institucione të tjera të qeverisë, janë me qira.

Shteti paguan qira, kur ka godinat e tij në mes të Tiranës dhe mund të ishin perfekte për institucione publike apo mund t’i viheshin në shërbim administratës të universitetit apo edhe fakulteteve të ndryshme.

Shteti s’ka zyra, paguajnë qira marramendëse/ Irfan Hysenbelliu

Ky është një nga rastet më flagrante të atyre çfarë bën klientelizmi në Qeverinë shqiptare.

Qeveri që merr godinat me qira dhe godinat e saj ia jep dikujt tjetër me qira.

Në fakt qiraja që merr nga bizneset është shumë herë më e ulët, sesa qiraja që ajo paguan për zyrat që ka marrë në shërbim të administratës së saj.

Dhe këtu ka një dëm ekonomik të firmosur e të vulosur nga ata që marrin godinat me qira për administratën dhe zyrat apo objektet e ndërtuara për këtë qëllim që ndodhen në qendër të Tiranës dhe që mund t’i shërbenin Qeverisë apo shtetit, të cilat u jepen privatëve me çmime qesharake.

Ky është një nga rastet më flagrante që ka ndodhur me godinat publike, sepse godinën që ka marrë Irfani edhe pse mund të mos e kenë kërkuar tatimet, doganat apo bashkia e ka kërkuar universiteti, e kanë kërkuar studentët dhe nuk u dha atyre, por me një kontratë skandaloze i është dhënë Irfan Hysenbelliut për të vendosur universitetin e tij privat./CNA.al