LEXO PA REKLAMA!

SHKARKO APP

Foto-fakt/ Irfan Hysenbelliu rrëmben dhe ndërton pa leje në pronë publike?!

20 Prill 2016, 10:43, Aktualitet CNA

Më poshtë po sjellim disa foto të cilat janë shkrepur mesditën e sotme tek fabrika e Birrës Korça, pronë kjo e biznesmenit Irfan Hysenbelliu. Nga fotot shihet qartazi se Irfan Hysenbelliu ka spostuar murin rrethues të fabrikës, pra ka zgjeruar sipërfaqen që kjo fabrikë do të ketë brenda këtij muri.

Në foto, gjithashtu duket edhe një godinë njëkatëshe betoni, muri i vjetër i prishur, por edhe një gardh tjetër teli.

Disa muaj më parë, Irfan Hysenbelliu kërkoi të ?rrëmbente nëpërmjet procedurave ligjore prej mbi 18 mijë metër katrorë, në krah të Birra Korçës, pronë publike e qytetarëve korçare. Në gjykatën e shkallës së parë Hysenbelliu mundi të fitonte 8080 m2, por më pas ai e humbi këtë sipërfaqe në Gjykatën e Apelit.

Citynews ka konstatuar sot rrethimin e një sipërfaqeje të madhe toke, me spostime muresh, rrethime me tela dhe mënyra të tjera.

A është kjo sipërfaqja për të cilën Irfani humbi gjyqin apo është ndonjë tjetër truall që skrapalliu, pronar i Birra Korçës, kishte ?harruar pa rrethuar? vite e vite më parë?

Citynews i është drejtuar Bashkisë Korçë për të marrë informacion të plotë në lidhje me rrethimin dhe ndërtimin, pra a janë të pajisur me leje apo kemi të bëjmë me ndërtime të paligjshme sic duket edhe në foto. A është prona që rrethohet në pronësi të Birra Korcës apo është prona publike e qytetarë të Korçës që po uzurpohet në mënyrë të paligjshme.

Këtyre pyetjeve presim ti përgjigjet Bashkia e Korçës ndaj të cilës kemi mjaft dyshime për shkak të miqësisë së fortë që ekziston me pronarin e Birra Korçës. Por le të mos e paragjykojmë dhe të shpresojmë që bashkia të jetë në anën e qytetarëve në rast se kemi të bëjmë vërtetë me një vjedhje të pronës së tyre./citynews

birra korca birra korca birra korca birra korca birra korca birra korca birra korca birra korca birra korca birra korca birra korca

Lajmet e fundit nga