web counter
LEXO PA REKLAMA!

SHKARKO APP

App Store
Google Play

E fundit!

x

Emiljano Shullazi mbetet në burg pa afat

20 Prill 2016, 07:46, Aktualitet CNA

Sot u la në burg Emiljano Shullazi, i akuzuar për gjobvënie. Në orën 08.30, eskorda policore mbërriti në ambientet e Gjykatës për Krime të Rënda, ku kontrrollet ishin të shpeshta. Agjentët e policisë kryen disa kontrrolle me qen antieksploziv, ndërsa më parë ishte marrë vendimi që gazetarët të mos merrnin pjesë në seancë.

Ndërkaq, nuk u vërejt ndonjë masë e shtuar sigurie në momentin kur ai po transportohej nga qelitë e paraburgimit të Drejtorisë së Policisë. Asnjë njësi tjetër mbështetëse përpos trupës shoqëruese policore, siç mund të jetë RENEA apo Forcat Speciale, nuk mori pjesë në transportimin e tij nga Drejtoria e Policisë deri në ambientet e gjykatës. Trupi gjykues vendosi masën e sigurisë ?arrest me burg? për Emiljano Shullazin, nga Tirana.

Nën akuzë është edhe kushëriri Blerim Shullazi, nga Kruja dhe miku i tij Gilmando Dani. Ata akuzohen për disa vepra penale, siç është ajo e kanosjes, gjobvënies, etj.

Gjykata e mori këtë vendim, bazuar mbi deponimin e biznesmenit shqiptaro-amerikan Jani Zaka, i cili denoncoi se kishte blerë një garazh 1200 m2, me vlerën e 300 mijë eurove. Më tej, djali i shitësit të kësaj prone e kishte takuar, duke i thënë se garazhi vlente më shumë, teksa këtu hyn në lojë edhe Emiljano Shullazi si dhe kushëriri i tij Blerim Shullazi.

Mitri Prifti, tha se djali i hallës së tij, pra Jani Zaka, ishte kërcënuar nga Shullazi. Prifti shtoi se edhe vetë ai ishte kërcënuar nga Shullazi. Momentalisht të dy denoncuesit ndodhen jashtë shtetit.

 

 





Lajmet e fundit nga