E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nga paratë e mafias së inceneratorëve te borxhi në Tatime/ Irfan Hysenbelliu, si provë krimi

11 Gusht 2022, 10:12, Aktualitet CNA

Nga paratë e mafias së inceneratorëve te borxhi në Tatime/

Irfan Hysenbelliu, njeriu i cili ka marrë para nga afera më e madhe korruptive, ajo e inceneratorëve, është shndërruar në një provë krimi për drejtësinë.

Siç ka raportuar CNA.al, duke iu referuar dokumenteve, Hysenbelliu dhe kompanitë e tij mediatike rezultojnë të jenë paguar qindra miliona lekë nga kompanitë e inceneratorëve të Klodian Zotos dhe Mirel Mërtirit.

Vetëm në gjysmën e parë të 2021-shit “Focus Media News" e Irfan Hysenbelliut me NIPT K21909002K, ka marrë gati 100 milionë nga kompania e Klodian Zotos, të inceneratorëve.

Kujtojmë se afera me inceneratorët është në duar të SPAK-ut, pronarët e tyre janë në kërkim, që do të thotë se në xhepat e Irfan Hysenbelliut kanë shkuar paratë e korrupsionit.

Pra, është mbuluar një aferë e pistë mafioze në formë reklame.

Një tjetër çështje që e bën Irfan Hysenbelliun provë krimi janë edhe detyrimet e papaguara në organet tatimore.

Nuk janë pak, por miliona euro detyrime të papaguara që i përkasin kompanisë “Birra Tirana”.

Vlera e borxhit shkon 1.7 milionë euro.

Një qytetar i thjeshtë me një biznes të vogël për një shumë tejet më të ulët do të kishte përfunduar në pranga prej kohësh.

Nga paratë e mafias së inceneratorëve te borxhi në Tatime/

Por Hysenbelliu, sulmon çdo ditë organet tatimore, nuk e ndal fushatën e shantazhit dhe kërcënimit ndaj drejtuesve të tatimeve në përpjekje për t’i shpëtuar drejtësisë.

Por tashmë ka një kallëzim penal ndaj tij, siç njoftonte një ditë më parë Drejtoria e Përgjithme e Tatim-Taksave.

“Detyrimet e këtij viti duhet të ishin shlyer brenda tre muajve të parë të vitit 2020 dhe ato përfshinin:

Rreth 127 milionë lekë TVSH e paderdhur bashkë me gjobën për shkak të vonesës, nga të cilat rreth 82 milionë lekë TVSH e pashlyer dhe 44 milionë lekë gjoba për tejkalim të afateve;

Rreth 15.6 milionë lekë detyrime, që burojnë nga tatim-fitimi, bashkë me gjobën për shkak të vonesës, njofton Drejtoria e Tatim-Taksave.

I ashtuquajturi biznesmen që fshihet pas mediave të tij, Irfan Hysenbelliu, është i mbytur në borxhe, madje ka lënë peng në banka edhe mediat e tij.

Pas një kohe të gjatë, prej vitesh, për herë të parë këtë muaj Hysenbelliu ka paguar gazetarët e tij në datën e caktuar, me 4 gusht 2022.

Ndërkohë që 1.7 milionë euro ua ka borxh tatimeve, është i zhytur edhe në kredi.

Sipas dokumenteve që në CNA.al ka publikuar më herët, shoqëria “Focus Group SHPK”, e Irfan Hysenbelliut në vitin 2018, ka nënshkruar një marrëveshje “barrë siguruese” me një bankë të nivelit të dytë.