LEXO PA REKLAMA!

SHKARKO APP

27-vjeçarja vrau veten në burg/ Letra prekëse e gjyqtarit që e dënoi

10 Gusht 2022, 14:53, Aktualitet CNA
27-vjeçarja vrau veten në burg/ Letra prekëse e gjyqtarit
Gjyqtari Vincenzo Semeraro

Mediat italiane i kushtuar artikuj aktit tragjik që ndërmori 27-vjeçarja italo- shqiptare, Donatella Hodo, e cila vrau veten në burg, pasi ishte dënuar për vjedhje.

Hodo e varur nga droga dhe gjashtë vitet e fundit të jetës së saj i kishte kaluar mes burgut dhe lirisë, pasi ishte ndaluar disa herë për vjedhje.

Gjyqtari Vincenzo Semeraro, që merrej me çështjen e saj, ka prekur Italinë me anë të një letre ku fajëson jo vetëm sistemin, por edhe veten për ngjarjen tragjike.

27-vjeçarja vrau veten në burg/ Letra prekëse e gjyqtarit

Në letër ai shkruan se në këtë rast dështoi sistemi, duke nisur nga ai vetë, që nuk arriti dot ta shpëtonte 27-vjeçaren.

“Pyes veten çfarë mund të kisha bërë më shumë për të? Nuk e kuptova që gjendja e Donatellas ishte kaq e rëndë. Jemi njerëz në radhë të parë dhe pastaj gjykatës.

Dhe unë, si gjyqtar, por sidomos si njeri, e ndjej se kam dështuar, pasi një vajzë 27 vjeç, me të cilën merresha që prej vitit 2016, vrau veten. Me rastin e saj ka dështuar sistemi dhe unë jam pjesë e këtij sistemi, pasi e ndiqja atë prej 6 vitesh. Ndoshta burgu nuk është për vajzat, pasi ndryshe nga meshkujt, ato janë më të ndjeshme. Ndoshta duhet të gjejmë një mënyrë tjetër dënimi”, shkruan Semeraro në letër, e cila u lexua në funeralin e së ndjerës.

27-vjeçarja vrau veten në burg/ Letra prekëse e gjyqtarit

Pas funeralit, ai  tregon se u takua me babain e vajzës.

“U përqafuam dhe qamë të dy bashkë. Të dy ndiheshim fajtorë për vdekjen e saj, unë si gjyqtar e ai si prind.

Ishte prekëse, por ai më falenderoi dhe tha se e bija fliste për mua si për një baba të dytë. Më drithëroi”, përfundon letrën  gjyqtari./CNA.al

Lajmet e fundit nga