E fundit!

10:13 Politikë

Plani i Belind Këlliçit/ "Mbështetje financiare për prodhimin, 15 tregje të gjelbërta në Tiranë"

Me projektin e Belind Kelliçit, Bashkia e Tiranës do të su...

Partia e Inceneratorëve nuk ndalet/ Kë kërcënon Meta me aferën e shekullit

9 Gusht 2022, 12:15, Aktualitet CNA

Partia e Inceneratorëve nuk ndalet/ Kë kërcënon Meta me

Kreu i PL-së, Ilir Meta, në një konferencë për mediat ka akuzuar sërish kryeministrin Edi Rama për aferën e inceneratorëve.

Sipas Metës, populli deri më tani ka parë vetëm majën e ajsbergut.

Në fakt njerëz që kanë pasur lidhje me LSI-në, sot PL-në, janë të akuzuar për korrupsionin me inceneratorët.

Dhe e ashtuquajtura parti e inceneratorëve që vetëm ka ndryshuar emrin sot dhe flet për fakte të reja që me tepër se fakte të reja duken si shantazh apo kërcënim ndaj dikujt.

Afera e inceneratorëvve është denoncuar nga mediat, pra nuk ka dalë sot, dhe LSI–ja, sot PL-ja, ka heshtur.

“Sot do të bëjmë publike disa fakte të reja për djegësat. Deri tani jeni njohur vetëm me majën e ajsbergut.

Keni parë që njerëz që janë larguar nga kjo jetë, të moshuar që jetojnë në azile figurojnë me firma të falsifikuara dhe kanë xhiruar me miliona euro për llogari të kësaj organizate.

Pamë barinj në Greqi, firmat e cilëve janë falsifikuar, pasi pamë edhe se si fondet e ministrisë së Bujqësisë dhe AZHBR që duhet të shkojnë në mbështetje të bujqësisë, kanë përfunduar në duart e kësaj organizate kriminale.

Sot do tregojmë si qeveria shqiptare, me kokën e kësaj afere që është kryeministri Rama, ka vënë në dispozicion të kësaj skeme edhe pronat publike të cilat janë lënë peng në banka të ndryshme këtu për paratë që shkojnë përtej detit. Jo vetëm kaq, por edhe më larg”, është shprehur Meta./CNA.al