web counter
LEXO PA REKLAMA!

SHKARKO APP

App Store
Google Play

E fundit!

x

E llahtarshme, Opozita e kontrolluar nga Irfan-kapteri

27 Korrik 2022, 12:19, Politikë CNA

E llahtarshme, Opozita e kontrolluar nga Irfan-kapteri

Ndodh në Shqipëri, ka disa ditë që e shohim. Një pronar mediash, Irfan Hysenbelliu, ish-kapteri i diktaturës, i cili u kthye në “benjamin” të Ilir Metës, “ushtar” të Lulzim Bashës, “servil” të Erion Veliajt, “vëlla” i Taulant Ballës, pasionant i ardhjes së Rilindjes në pushtet, dhe “luftëtar” i saj, prej disa ditësh po sulmon disa institucione publike. Kuptohet, gjithmonë për interesat e tij personale dhe bizneset e tij.

Për të qenë të qartë, shumë kapterë ka pasur komunizmi, ndoshta ka edhe sot, shumica kanë qenë edhe burra të nderuar, por ka edhe si rasti i Irfanit që u bënë biznesmenë, blenë edhe televizion, dhe e përdorin për të mos paguar taksat. Siç është rasti i përplasjes me Tatimet, ku nuk ka kontroll. Thjesht dhe vetëm i kërkohet të paguajë ato që ka deklaruar.

Nga ana tjetër, sulmon Doganat se e kapin në evazion fiskal. Sulmet e tij nuk janë morale. Sulmet janë klienteliste dhe korruptive. Nuk kanë parim mediash, nuk kanë parim gazetarie. Sepse Irfan Hysenbelliu, njeriu i paguar me qindra mijëra euro nga afera korruptive e inceneratorëve del e bën moral. Kuptohet tani, duke i mbajtur ison, Opozita.

E llahtarshme, Opozita e kontrolluar nga Irfan-kapteri

A nuk është e turpshme?

Del Partia Demokratike dhe flet në mbrojtje të Irfan Hysenbelliut. Thotë “hiqni drejtorin e Doganave, se i vuri gjobë Irfanit”.

A mundet Opozita të jetë e tillë?

Në fakt, Opozita duhej të dilte e të thoshte se media ka pushtetin e saj të pavarur e të shohë punën e saj. Në rast se drejtori i Doganave ka vënë gjobë të drejtë, gjoba të paguhet.

Kjo është që duhet të thotë Opozita.

E llahtarshme, Opozita e kontrolluar nga Irfan-kapteri

Por, në fakt Opozita doli dhe sulmoi Doganat, që nuk është hera e parë që ndodhen nën vandalizmin e Irfan Hysenbelliut dhe mediave të tij.

Por, Tatimet, Dogana, Ministria e Financave dhe Ministria e Punëve Publike, kanë qenë objekt sulmesh nga Irfani. Dhe çdo institucion tjetër, ku ai ka pasur probleme. Përfshirë këtu edhe gjykatat dhe sistemin e drejtësisë.

Del Ilir Meta, kryetari i partisë së re, që flet për liri dhe kërkon drejtësi për Irfanin, të ikë drejtori i Doganave dhe të mbrohet Irfan Hysenbelliu.

A ka turp më të madh?

A ka gjë më të llahtarshme dhe më të pështirë se si një ish-kapter diktature, i kthyer në biznesmen, përdor mediat e tij për sulme ndaj institucioneve për interesat e tij personale, korruptive dhe klienteliste, të mbrohet nga Opozita? Të mbrohet nga Ilir Meta dhe Sali Berisha.

Kjo është Opozita që duan shqiptarët?

Një shantazhues institucionesh, i akuzuar dhe për gjobaxhi, sulmon dhe flet atëherë kur i ceken interesat. Kur ka korrupsion, kur ka skandale apo afera, ai hesht dhe merr paratë, siç është rasti i inceneratorëve, për mediat e tij dhe të familjarëve të tij.

E pra, është e llahtarshme, është e tmerrshme dhe e turpshme kjo që po ndodh me Opozitën. Merr në mbrojtje ish-kapterin e diktaturës, të kthyer në biznesmen, se ka disa media, të cilat i përdor për të shkelur ligjin, për të abuzuar me taksat, dhe për të bërë evazion fiskal?

E llahtarshme, Opozita e kontrolluar nga Irfan-kapteri

Po, pse, për këtë duhet Opozita?

Të mbështesë ata që duan të abuzojnë dhe vjedhin shtetin?

Ndërkohë që qytetarët paguajnë taksa dhe mezi mbyllin muajin, Irfani nuk paguan ato që ka detyrime në shtet. E jo më t’ia kontrollosh. Se po i hynë një kontrolli vendçe, do na dalë me “këpucë të kuqe”. Përtej borxheve ku është mbytur, dhe taksat e detyrimet që nuk i jep shtetit.

Prandaj Opozita bën mirë të reflektojë. Ilir Meta ndoshta jo, se shumë thonë që te “Fani” ai është mbi kokë. Por, ndoshta Opozita e vërtetë, Partia Demokratike, duhet të ketë një qasje tjetër.

Sa më shpejt ta bëjë, aq më mirë do të jetë./CNA.al

 





Lajmet e fundit nga