LEXO PA REKLAMA!

SHKARKO APP

Shantazhe për miliarda taksa të papaguara/ Irfan Hysenbelliu del jashtë kontrollit

24 Korrik 2022, 12:10, Editorial CNA

 

Shantazhe për miliarda taksa të papaguara/ Irfan Hysenbelliu del
Irfan Hysenbelliu

Irfan Hysenbelliu, ka plot 2 miliardë lekë detyrime të papaguara nga bizneset e tij në shtet.

Përveç kësaj, Hysenbelliu është kapur në evazion fiskal nga Dogana, me një nga bizneset e tij, ‘Birra Korça',  që i ka kushtuar 260 mijë euro gjobë.

Nga ana tjetër Hysenbelliu është i mbytur edhe në kredi, por kjo është pjesë e hallit të bankave, duhet të shqetësohen këta të fundit.

Por, në vend që të shlyejë detyrimet, ai zgjedh që nëpërmjet mediave të tij të sulmojë drejtuesit e institucioneve.

E nisi me drejtorin e Tatimeve Ceno Klosi, për disa ditë radhazi dhe së fundmi e ka vijuar serialin e sulmeve dhe shantazheve me drejtorin e Përgjithshëm, Gent Gazheli.

Me argumentin kamuflues se po promovon në poste drejtuese zyrtarët që po gjykohen në Greqi për kontrabandë, Hysenbelliu në baza ditore, sulmon kreun e Doganave.

Drejtoria e Doganave si kundërpërgjigje ka publikuar fakte, duke nxjerrë zbuluar Hysenbelliun, i cili po keqpërdor mediat që ka në pronësi dhe gazetarët e tij.

Të njëjtat sulme dhe të njëjtën gjuhë shantazhi, Hysenbelliu e ka përdorur edhe herë  të tjera, si në vitin 2018, 2020 dhe 2021.

Shantazhe për miliarda taksa të papaguara/ Irfan Hysenbelliu del

“Akuza e ditëve të fundit në media nuk është aspak risi. Kjo akuzë është publikuar për herë të parë në vitin 2018, më pas në 2020, 2021 dhe se fundi këto ditë.
Që në vitin 2018, kur akuza u ngrit për herë të parë, katër punonjësit e Drejtorisë së Doganave kanë depozituar pranë institucionit punëdhënës dëshmitë e pastra të penalitetit, marrë nga autoritetet greke dhe noterizuar në Shqipëri.
Sipas dokumentacionit të vitit 2016, katër punonjësit kanë qenë pjesë e një operacioni antikontrabandë, kur janë ndaluar nga autoritetet greke. Pas sqarimit të rrethanave dhe rolit të personave në fjalë ata janë lënë të lirë nga prokurorët dhe hetuesit fqinjë.
Në kushtet kur nga njëra anë nuk ka asnjë vendim gjykate që i dënon katër punonjësit e Drejtorisë së Doganave dhe për sa kohë dëshmia e penalitetit në shtetin grek është plotësisht e pastër, çështja në fjalë është mbyllur që në vitin 2018, pavarësisht spekulimeve mediatike që vazhdojnë here pas here”, sqaron Drejtoria e Përgjithshme e Doganave.

Shantazhe për miliarda taksa të papaguara/ Irfan Hysenbelliu del

Shantazhe për miliarda taksa të papaguara/ Irfan Hysenbelliu del

Shantazhe për miliarda taksa të papaguara/ Irfan Hysenbelliu del

Shantazhe për miliarda taksa të papaguara/ Irfan Hysenbelliu del

Përballë këtyre fakteve, Hysenbelliu duket se ka dalë "jashtë kontrollit", duke shkuar më tej me sulme dhe shantazhe, deri në familjen e kreut të Doganave, te bashkëshortja e tij.

Shantazhe për miliarda taksa të papaguara/ Irfan Hysenbelliu del
Gent Gazheli

“Provat duhet t’i paraqesë ai që akuzon, jo i akuzuari. Ndaj ti që më akuzon mua për katër punonjës që unë këtu i kam gjetur s'i kam sjellë nga shtëpia, bujrum, paraqite vendimin e gjykatës që i dënon këta katër shqiptarë.

Unë për vete nuk kam parë asnjë vendim të tillë dhe nuk di të ekzistojë një i tillë.

Deri kur ta bësh këtë, je thjeshtë një shantazhier ordiner siç të tregojnë ata që të njohin mirë.

Po edhe sikur ta bësh këtë, fakti që merresh deri edhe me gruan time, të bën thjesht edhe më ordiner si shantazhier!”, i është kundërpërgjigjur Gazheli-Hysenbelliut, pas thellimit të skandalit prej këtij të fundit.

Shantazhe për miliarda taksa të papaguara/ Irfan Hysenbelliu del

Nëpërmjet sulmeve të paprecedenta ndaj drejtuesve të institucioneve, Hysenbelliu tenton të mbrojë biznesin e tij, me të cilin është borxh ndaj shtetit.

Nuk mund të bëjë moral për taksat që nuk i paguan vetë. Nuk ka një sulm nga shteti ndaj tij, por ka një sulm nga Irfan Hysenbelliu ndaj institucioneve shtetëore.

Nëse do të paguante tatimet, doganat apo gazetarët që po i keqpërdor dhe nëse nuk do të jepte para në dorë, atëherë, do të konsiderohej si një sulm ndaj Hysenbelliut dhe ne do ta mbronim.

Pasi ky është morali i medias.

Në një vend demokratik dhe normal, këto sulme dhe shantazhe sot duhet të ishin në duar të drejtësisë, dhe jo të kthehen në një precedent normal nga viti në vit, sa herë Hysenbelliut t’i kërkohet të paguajë taksat./CNA.al

Lajmet e fundit nga