web counter
LEXO PA REKLAMA!

SHKARKO APP

App Store
Google Play

Kur do të hetohet Gazment Bardhi për vrasjen e Pjerin Xhuvanit?

2 Korrik 2022, 13:40, Editorial CNA
Kur do të hetohet Gazment Bardhi për vrasjen e Pjerin Xhuvanit?
Gazment Bardhi

Gjykata e Elbasanit ka marrë sot vendimin për të kthyer në punë gjashtë efektivët e "Shqiponjave", që u pezulluan nga detyra si fajtor për ngjarjen e 21 prillit 2021, ku mbeti i vrarë Pjerin Xhuvani dhe u plagosën 4 persona.

Gjashtë efektivët dolën sot në gjykatë për vlerësimin e masës së sigurisë. Prokuroria kishte kërkuar pezullimin e tyre nga detyra, por gjykata vendosi të mos pranojë kërkesën, por t'i rikthejë në detyrë.

Ndërkohë që Gazment Bardhi vijon jetën i qetë dhe i pashqetësuar.

Bardhi është personi përgjegjës, për ngajrjen e rëndë që ndodhi pak ditë para mbajtjes së zgjedhjeve. PD e drejtuar në atë kohë nga Lulzim Basha, duket se kishte shkuar në zgjedhje me skenar të përcaktuar, duke marrë me vete grupe të armatosura, me pretendimin se ishin struktura për të mbrojtur votën.

Ka qenë vetë Gazment Bardhi, ai i cili ka pranuar se Arbër Paplekaj, i cili është nën arrest, ka qenë pjesë e strukturave të tyre për të mbrojtur votën.

Ish-sekretari i PD, ndonëse nuk është njeriu që qëlloi drejtpërdrejt mbi Xhuvanin duke e lënë të pajetë, ai është personi i implikuar në këtë vrasje.

Pra, duke iu referuar deklaratës që ai ka bërë në atë kohë për grupe të armatosura për mbrojtjen e votës, ngrihen dyshime se Gazment Bardhi priste një përplasje me armë. E në fakt ndodhi dhe bilanci ishte me 1 viktimë dhe 4 të plagosur.

Deri tani, organet kompetente nuk kanë nisur asnjë hetim ndaj Bardhit ndonëse ka kaluar mbi një vit nga ngjarja e rëndë.

Ai është thirrur vetëm për të dëshmuar dhe më pas është lënë i lirë, për të vijuar i qetë jetën e tij, ndonëse ngjarja pak ditë para zgjedhjeve ishte e rëndë dhe tronditi jo pak gjithë opinionin./CNA.al

 





Lajmet e fundit nga