LEXO PA REKLAMA!

SHKARKO APP

Tri vite nga zgjedhjet e 30 qershorit/ Dhurata e Bashës për Ramën

30 Qershor 2022, 09:47, Editorial CNA
Tri vite nga zgjedhjet e 30 qershorit/ Dhurata e Bashës për Ramën
Foto ilustruese

Sot bëhen tri vite nga zgjedhjet vendore të 2019-ës. Tri vite kur Lulzim Basha, që drejtonte PD-në dhe Opozitën, ia dhuroi pushtetin vendor kryeministrit Edi Rama.

Zgjedhjet e 30 qershorit 2019, do të mbahen mend si zgjedhjet e para në 30 vite ku opozita nuk mori pjesë.

Lulzim Basha shëtiste nga qyteti në qytet dhe trumbetonte e gënjente se nuk do të mbaheshin zgjedhjet e 30 qershorit.

Tri ditë para zgjedhjeve të 30 qershorit, me 27 qershor, nga selia e Partisë Demokratike, Lulzim Basha, personi që zhyti opozitën dhe braktisi demokratët, luante rolin e akuzuesit.

Ai premtonte se do të bënte çdo gjë që ato zgjedhje mos të mbaheshin.

Tri vite nga zgjedhjet e 30 qershorit/ Dhurata e Bashës për Ramën

“Edi Rama ka vendosur të vazhdojë aventurën e 30 qershorit. Të dielën në Shqipëri nuk do të ketë zgjedhje. Do të ketë një farsë. Ne do të bëjmë çdo gjë që kjo aventurë të ndalet, që farsa të mos ekzekutohet...

Tashmë është e qartë ajo që kemi paralajmëruar: skenari i vërtetë i Edi Ramës nuk është të bëjë zgjedhje më 30 qershor, por ta përdorë 30 qershorin për përplasje civile.

Skenari kriminal që 30 qershori të kthehet në përplasje civile dhe ditë të dhunshme është shpëtimi i tij për të mos dalë para drejtësisë për bashkëpunimin me krimin dhe grabitjen e vendit”, deklaronte Basha nga selia e PD-së.

Por, çfarë ndodhi, zgjedhjet u mbajtën, gjithçka shkoi qetësisht, me disa probleme të vogla proceduriale, dhe Lulzim Basha vijoi sikur mos të kishte ndodhur asgjë.

Mbrëmjen e 30 qershorit, kur procesi i votimit kishte përfunduar, në orën 21:10 minuta, Lulzim Basha u shfaq në media.

Sipas tij shqiptarët kishin braktisur në masë maskaradën e votimit njëpartiak të Edi Ramës.

“85% e votuesve të regjistruar refuzuan votimet moniste”, tha Basha, duke shtuar se për Ramën votuan edhe më pak socialistë se në vitin 2015 dhe 2017.  

“Organizata e Rilindjes sot kandidonte vetë, votonte vetë, numëronte vetë dhe certifikonte vetë. Kjo është parodi tragjike e demokracisë”, shtoi më tej Basha, ndërkohë që ishte ai vetë që e favorizoi maskaradën e votimit njëpartiak, duke i lënë demokratët të papërfaqësuar.

Basha ia kishte marrë dorën me braktisjen e demokratëve, që në momentin kur kishte shënuar humbjet e para dhe deri në momentin e dorëzimit të mandateve.

Ia la Kuvendin kryeministrit Edi Rama dhe më pas i dhuroi edhe pushtetin vendor me të dyja duart.

Tri vite nga zgjedhjet e 30 qershorit/ Dhurata e Bashës për Ramën

Pasi kishte realizuar qëllimin e Ramës, Basha u mundua të mbulonte “diellin me shoshë”, siç thotë populli, duke thirrur protesta.

"Të hënën, më 8 korrik në orën 20:00, bashkohemi të gjithë në Tiranë kundër diktaturës së krimit, bashkohemi në mbrojtje të lirisë dhe dinjitetit, bashkohemi kundër bandës që grabit gjithçka, bashkohemi për familjet dhe fëmijët tuaj, për Shqipërinë si Europa! Asnjë hap pas! Rama ik", shkruante Basha në rrjete sociale.

Tri vite nga zgjedhjet e 30 qershorit/ Dhurata e Bashës për Ramën

Protesta zgjati 2 orë nga kryeministria te parlamenti. Në fund të saj në oborrin e selisë së PD-së, Basha tha se Edi Rama do të largohej, por nuk duhej mjaftuar me rrotacionin politik që po vjen.

 

Tri vite nga zgjedhjet e 30 qershorit/ Dhurata e Bashës për Ramën
Lulzim Basha, pas protestës

 

Por, Edi Rama nuk u largua dhe nuk është larguar ende, ndërsa “ortaku” i tij Lulzim Basha, me të cilin firmosi marrëveshjen e 17 majit 2017 dhe prej të cilit sot ka të gjitha pushtetet, ka përfunduar jashtë PD-së./CNA.al

Lajmet e fundit nga