LEXO PA REKLAMA!

SHKARKO APP

E fundit!

x

Xhuljana Dumani është e pafajshme/ Problemi janë institucionet

20 Qershor 2022, 16:20, Editorial REDAKSIONALE
Xhuljana Dumani është e pafajshme/ Problemi janë institucionet
Ministria e Jashtme

CNA.al publikoi ditën e enjte dokumentet ekskluzive që tregonin pajisjen e Xhuljana Dumanit në datën 6 qershor të vitit 2022, në kohën kur vëllai i saj ishte lajmi i parë në të gjitha mediat për bëmat dhe gjëmat për vrasjet seriale, ajo ka marrë një certifikatë sigurie.

Por ne e kemi theksuar dhe po e ritheksojmë. Problemi nuk është Xhuljana Dumani. Ajo është një vajzë që ka mësuar në shkollë, një vajzë ekselente që ka shkuar të punojë në një institucion shtetëror. Këtu nuk ka asnjë gjë të keqe. Përkundrazi, ajo mund të mbështetet.

Por për shkak të aktivitetit kriminal të të vëllait, ajo nuk mund të jetë ligjërisht pjesë e strukturave të caktuara dhe nuk mund të ketë kurrsesi një certifikatë DSIK, që janë persona specifikë që e përdorin atë lloj certifikate.

Pra, edhe ne kur e kemi publikuar, por edhe mediat e tjera që kanë pasur akses, njerëzit që e kanë ditur punësimin e saj në Ministrinë e Jashtme nuk kanë reaguar dhe nuk kanë thënë asnjë fjalë. Kjo sepse do të ishte krejt normal punësimi. Por, marrja e një certifikate sigurie dhe kalimi në një zyrë sekretesh, ku ke akses në informacione të klasifikuara, një person e cila ka lidhje direkte me vëllain e saj, krijon një ndalesë të padiskutueshme ligjore.

Faji nuk është i Xhuljanës, faji është i institucioneve!

Në letrën e publikuar nga Xhuljana Dumani, ajo dukej sikur ishte shkruar nga Endri Fuga, ku më shumë se punën që ajo bënte në të vërtetë, përpiqej që të justifikonte nëse kishte pasur apo jo akses Olta Xhaçka dhe Ministria e Jashtme apo edhe Ministria e Arsimit që e kishte rekomanduar. Duket si një letër e shkruar nga Fuga, për të justifikuar ministren, por e vërteta është se përgjegjës janë institucionet.

Së pari, rekomandimi i bërë nga Ministria e Arsimit mund të quhet korrekt, sepse është një studente perfekte, por në momentin që shkon në Ministrinë e Jashtme, siç CNA.al e raportoi sot, Drejtoria Juridike e Sigurisë së Informacionit në Ministri të Jashtme duhet të verifikonte Xhuljana Dumanin, për të mos e çuar në zyra me akses në informacion të klasifikuar.

Së dyti, DSIK, e cila ka dhënë certifikatën që CNA.al e ka publikuar është përgjegjëse direkte, së bashku me disa institucione të tjera, të cilat përfshihen në këtë proces për skandalin që ka ndodhur. Pra, është Ministria e Jashtme, nëpërmjet drejtorisë që ka çuar kërkesën në DSIK dhe DSIK e cila e ka miratuar certifikimin e Xhuljana Dumanit në pozicionin me marrjen e certifikatës së sigurisë së veçantë.

Pra, thelbi janë institucionet. Është Ministria e Jashtme, DSIK dhe institucionet që bashkëpunojnë me procesin e DSIK për të dhënë certifikatën. Nuk është Xhuljana. Dorëheqja e saj dhe abuzimet me dorëheqjen e saj janë lojëra të Rilindjes. Përgjegjëse nuk është kjo vajzë e re, e cila e ka jetën e saj përpara, e cila në fakt duhet të ishte marrë në mbrojtje javë më përpara, të ndodhej jashtë atdheut, me identitet krejt tjetër dhe jo të ishte në zyrat e shtetit shqiptar me informacion të klasifikuar.

Prandaj institucionet kanë përgjegjësi, të gjitha ato që angazhohen në dhënien e një certifikate sigurie dhe Ministria e Jashtme për emërimin që ka bërë dhe rekomandimin që ka çuar në DSIK./CNA.al

 

Lajmet e fundit nga