E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Legalizimi i hashashit/ Zërat kundër, mbrojnë interesat e grupeve kriminale

1 Korrik 2022, 10:24, Editorial CNA

Legalizimi i hashashit/ Zërat kundër, mbrojnë interesat e grupeve

Foto ilustruese

Me 7 prill 2022, kryeministri Edi Rama, në një konferencë shtypi foli për nismën e legalizimit të kanabisit për qëllime mjekësore.

Vendimi erdhi pas një ankete Këshillimi Kombëtar, ku 61% e qytetarëve, sipas tij, ishin dakord për kultivimin e kanabisit, pasi e shihnin si hapje të vendeve të reja të punës që pasohej me rritje ekonomike.

Aktualisht kultivimi dhe tregu i kanabisit kontrollohet nga grupet kriminale dhe legalizimi do t’i çmontonte këto grupe, duke çuar kështu në uljen e kriminalitetit.

Zërat që sot janë kundër miratimit të kësaj nisme u shkojnë për shtat grupeve kriminale dhe janë një mesazh përforcues për ta.

Thënë më qartë, ata janë kundër masave për legalizimin e hashashit, i bien të mbrojnë interesat e grupeve kriminale.

Sipas INSTAT, 10% e procedimeve penale nga viti 2015 deri në 2020-ën kishin lidhje me aktivitetin e hashashit.

Kujtojmë këtu edhe arrestimin e të moshuareve, të cilat kanë parë punën në parcelat e kanabisit si mjetin e vetëm për jetesë.

Kultivimi i kanabisit në mënyrë ilegale shtron rrugën për strukturimin e krimit dhe eksportin e tij jashtë vendit.

Mbi 1 miliard euro të ardhura në vit përfitojnë grupet kriminale të kanabisit, sipas disa vlerësimeve indirekteve, duke iu referuar rasteve kur janë kapur sasi të mëdha të kësaj bime, nga Policia.

Shqipëria nuk është vendi i vetëm që kërkon të miratojë këtë nismë. Kjo nismë është provuar edhe në vende të tjera dhe efektet kanë qenë pozitive.

Legalizimi i kanabisit për qëllime mjekësore e farmaceutike sot është i autorizuar në më shumë se 30 vende të botës, një pjesë e të cilave e kanë autorizuar edhe përdorimin e tij për qëllime rekreative.

Për shembull, vendet e rajonit, Maqedonia e Veriut, e legalizoi kanabisin për qëllime mjekësore në vitin 2016 e që, sipas të dhënave qeveritare, ka filluar të ketë një përfitim prej 100 milionë USD në vit.

Edhe në Itali legalizimi i kanabisit ka çuar në kursim kostot legale të represionit penal të fenomenit dhe ka riabsorbuar një pjesë të mirë të përfitimeve kriminale të tregut të zi./CNA.al