LEXO PA REKLAMA!

SHKARKO APP

Vrasja në Elbasan “i prish gjumin” Gazment Bardhit

6 Maj 2022, 13:15, Politikë CNA
Vrasja në Elbasan “i prish gjumin” Gazment Bardhit

Deputeti Gazment Bardhi, duket se është ?tronditur? nga akuzat e forta të ish-kryeministrit Sali Berisha në lidhje me vrasjen e Pjerin Xhuvanit, gjatë fushatës zgjedhore në Elbasan, në 2021.

Berisha deklaroi sot se Komisioni Hetimor për Zgjedhjet, u ?gropos?, pasi u kërkua të hetohej vrasja në Elbasan.

?Akoma më e turpshme është shuarja e komisionit të hetimit të zgjedhjeve. U krijua komisioni. A e dini kur u shua? Kur u kërkua që në axhendë të hetohej Elbasani. Gjëja më normale, se aty u vra një njeri. Aty u gropos komisioni me urdhër të Bashës dhe përgjegjësi direkt ka Gaz Bardhi me Taulant Ballën. Aty ndodhi vrasja e një mjeku, një militanti. Ai nuk ishte kurrë për t?u vrarë. E sheh se ku janë këta?? tha Berisha.

Por, kjo deklaratë e Berishës, duket se i ka ?prishur gjumin? Gazment Bardhit, i cili ka reaguar nëpërmjet një postimi në rrjetet sociale.

Bardhi i cilëson si gënjeshtra deklaratat e Berishës, ndërsa shkruan se ?Ajo ngjarje po hetohet nga drejtësia dhe unë kam qenë dhe mbetem i vendosur që ajo ngjarje të hetohet plotësisht, me paanësi dhe profesionalizëm.?

Reagimi i plotë:

Dy gënjeshtra të mëdha të Sali Berishës që duhen çmontuar.

GËNJESHTRA E PARË

?Rudina Hajdari dhe Myslym Murrizi nuk dëmtuan interesin e PD.?. Gënjeshtër. Sali Berisha e di shumë mirë që po mashtron demokratët. Rudina Hajdari dhe Myslym Murrizi ishin deputetët që bashkuan votat me Edi Ramën për të hequr koalicionet, për të prishur marrëveshjen e 5 qershorit, duke i hequr fitoren PD dhe duke i dhuruar Edi Ramës mandatin e tretë.

GËNJESHTRA E DYTË

?Komisioni Hetimor për masakrën zgjedhore u shua, sepse u kërkua hetimi i ngjarjes së Elbasanit?. GËNJESHTËR! Dokumentet parlamentare provojnë se Komisioni Hetimor u bllokua nga Partia Socialiste. Edi Rama rrëzoi planin e hetimit duke bllokuar punën e Komisionit dhe duke mos lejuar zgjatjen e afatit të veprimtarisë së Komisionit.

Ngjarja e Elbasanit padyshim që është një ngjarje e rëndë, sa kohë një qytetar mbeti i vrarë dhe disa të tjerë u plagosën. Ajo ngjarje po hetohet nga drejtësia dhe unë kam qenë dhe mbetem i vendosur që ajo ngjarje të hetohet plotësisht, me paanësi dhe profesionalizëm.

Ngjarja e Elbasanit nuk është ngjarja e Gerdecit, ku mbetën të vrarë 26 qytetarë, nga babëzia e familjarëve të Sali Berishës për të nxjerrë para të pista nga kudo. Ngjarja e Elbasanit ishte pasojë e një beteje të pabarabartë mes demokratëve që luftonin për të garantuar zgjedhjet e lira dhe të ndershme, dhe bandave të Edi Ramës që terrorizonin qytetarët për të vjedhur zgjedhjet. Koha i dha të drejtë Partisë Demokratike, se në Elbasan krimi i organizuar ishte përfshirë në fushatën zgjedhore të Partisë Socialiste dhe po blinte vota për llogari të pushtetit të Edi Ramës.

Pas heshtjes së Sali Berishës për konstatimin e SHBA se krimi i organizuar kishte blerë vota për llogari të Edi Ramës në qarkun Elbasan dhe Tiranë, akti i sotëm i marrjes në mbrojtje të bandave të Elbasanit, duke amnistuar Taulant Ballën e Edi Ramën dhe përgjegjësinë e tyre në ngjarjen e Elbasanit, është prova e qartë se Sali Berisha i ka shpallur luftë demokratëve, jo bandës në pushtet.

Me qendrimin e sotëm për ngjarjen e Elbasanit, Sali Berisha vetëm sa amnistoi krimin e bandave të Edi Ramës dhe Taulant Ballës për t?u vjedhur fitoren demokratëve. Kjo është hera e dytë që Sali Berisha qendron në krah të bandave të Elbasanit. Për herë të parë e bëri, kur e ftova publikisht të dënojë përfshirjen e bandave në procesin e brendshëm të PD për të mbledhur firma për 11 dhjetorin. Atëherë heshti si fija e barit!!! Sot e kuptojme te gjithe pse heshti! Sot ai amnistoi bandat e Elbasanit! Amnistoi edhe krimet e Edi Rames me zgjedhjet!

Atyre që sot Sali Berisha u duket shpëtimtar, shumë shpejt do ta kuptojnë se ngjitja e tij në krye të PD-së nuk ka lidhje as me sjelljen e demokratëve në pushtet, as me një betejë të vërtetë opozitare kundër Edi Ramës! Ka lidhje vetëm me hallin e tij për vdekjen e 26 qytetarëve të pafajshëm në Gërdec, për shkak të babëzisë së familjarëve të tij për tu pasuruar në kurriz të jetës dhe shëndetit të shqiptarëve./CNA.al

?Vrasja? e senatorëve të PD-së/ Berisha zbulon prapaskenat, kap ?mat? Bashën

Vrasja në Elbasan/ Berisha ?kryqëzon? Bashën dhe Bardhin

Lajmet e fundit nga