web counter
LEXO PA REKLAMA!

SHKARKO APP

App Store
Google Play

Mbledhja e Këshillit Kombëtar të PD/ Aktivisti: Të hetohen zgjedhjet e 13 qershorit

6 Maj 2022, 08:13, Politikë CNA

Aktivisti i PD-së, Gjorg Kodra, shkruan se një nga vendimet e para që duhet të marrë Këshilli Kombëtar i PD-së, është ngritja e një komisioni që do të hetojë zgjedhjet për kryetar të PD-së, të 13 qershorit 2021.

Sipas tij, këtë komision duhet ta kërkojnë në radhë të parë të gjithë kandidatët.

?Në gjykimin tim një nga vendimet e para që duhet të marrë sot Këshilli Kombetar i PD-së duhet të jetë ngritja e një Komisioni Hetimor mbi zgjedhjet për kryetar të datës 13 qershor 2021.

Këtë komision duhet ta kërkojnë në rradhë të parë kandidatët e tjerë në atë garë të cilët atë kohë denoncuan manipulimet dhe pabarazinë në proces. Kohë më pas, ato pretendime i konfirmoi ish-nënkryetari i partisë, i cili pranoi se kishte qenë pjesë e nje masakre elektorale për të rizgjedhur LB në krye të partisë. Sot ish-kandidatet janë të tre anëtarë të KK dhe dy prej tyre gjithashtu pjesë e Komisionit të Përkohshëm të Rithemelimit. Ata nuk kanë vetëm mundësinë për ta kërkuar këtë hetim, por gjithashtu dhe detyrimin politik e moral për ta bërë.

Nëse personat përgjegjës për një proces të manipuluar nuk marrin përgjegjësitë politike e ligjore për tjetërsimin e vullnetit të demokratëve në përcaktimin jo vetëm të kryetarit të partisë së tyre, por gjithashtu dhe kandidatit për Kryeministër të vendit, çdo premtim tjetër ndaj shoqërisë bëhet nul dhe PD-ja do të përndiqet gjithmonë nga hijet e mëkateve të së kaluarës.?-shkruan Gjorg Kodra./CNA.al





Lajmet e fundit nga