web counter
LEXO PA REKLAMA!

SHKARKO APP

App Store
Google Play

"Shpërthen" Këlliçi/ Alibeaj, ministër i Ramës për marrëdhëniet me PD

5 Maj 2022, 19:08, Politikë CNA

Enkelejd Alibeaj kishte thirrur në mbledhje Grupin Parlamentar të PD-së pasditen e sotme. Pas 2 orësh diskutime, Alibeaj u shpreh se deputetët janë në të njëjtin mendim për të marrë pjesë në procesin e zgjedhjes së Presidentit të ri.

Deputeti dhe anëtari i Komisionit të Rithemelimit, Belind Këlliçi, ka reaguar për deklaratat e Enkelejd Alibeajt pas takimit me Grupin Parlamentar të PD.

Këlliçi e quajti Alibeajn ministër të kryeministrit Edi Rama për marrëdhëniet me PD. Ai përmendi faktin se Alibeaj ka qenë i ftuar në Kuvendin e 30 prillit, ndërsa theksoi se është i ftuar edhe nesër në Këshillin Kombëtar.

?Keqardhje për ministrin e Edi Ramës për marrëdhëniet me PD, Enkelejd Alibeaj, në raport me qasjen e tij politike dhe destruktive brenda PD. Që të dalë Alibeaj dhe te thotë se i dhimbset PD, që nga mëngjesi në darkë vijon të përçajë PD, është i gatshëm të ulet me Ramën dhe nuk gjen kohë të diskutojë çështje që ne kemi muaj që i adresojmë. Alibeaj ka qenë i ftuar në Kuvend, është i ftuar nesër në Këshillin Kombëtar?, u shpreh ai në Abc News.

Përsa i përket deklaratës së Alibeajt se nuk e njeh Këshillin Kombëtar, Këlliçi deklaroi: ?S?ka problem se Alibeajn nuk e njohin demokratët. Pasi dëgjoj atë retorike në një mbledhje të dështuar ku kanë qenë 22 deputetë në një grup ku janë 52 deputetë, duhet të shqetësohet, sepse baza është e bashkuar tani, por ka një ngërç në Grupin Parlamentar.  Më gjeni një moment kur keni parë një akuzë nga ana jonë. Arsyeja pse jam i revoltuar është që Alibeaj tha se Grupi Parlamentar përbëhet nga 36 deputetë, përjashtoi 16 deputetë. Kush është ky? Ka marrë gjysmën e votave që kam unë në  Tiranë. Çdo ditë shpiket një kuorum i ri dhe refuzohet të pranohet realiteti?./ CNA.al

 





Lajmet e fundit nga