web counter
LEXO PA REKLAMA!

SHKARKO APP

App Store
Google Play

Rithemelimi nuk e njeh si kryetar të grupit/ Alibeaj bën “heroin”

5 Maj 2022, 15:25, Politikë CNA

Enkelejd Alibeaj ka mbledhur Grupin Parlamentar në selinë blu, ku në fokus të diskutimit do të jetë zgjedhja e emrit të ri të presidentit.

Sa i përket faktit se nuk njihet nga Rithemelimi si kryetar i Grupit Parlamentar, Alibeajt duket se nuk i intereson dhe thotë se ka detyrimin të thërrasë e të dëgjojë të gjithë deputetët.

“Kush nuk më njeh?” pyeti Alibeaj ndërsa gazetarja iu përgjigj: “Grupi i rithemelimit”.

Më tej Enklejed Alibeaj vijoi përgjigjen duke thënë se kanë në fokus çështje të tjera ndërsa u ndal edhe tek protesta për rrugën e Rinasit, për të cilën tha se u fitua si përpljekje falë mbështetjes së deputetëve të PD.

“E ca pastaj? Nuk është ajo çështja kryesore. Grupi parlamentar duhet të ndjekë axhendën parlamentare dhe ka shumë çështje. Një fitore e vogël e banorëve të Rinasit që patën dhe mbështetjen e deputetëve tanë dhe arritën një fitore të vogël. Çështje të tjera janë ato të Komisionit të Posaçëm për të gjithë praktikat korruptive lidhur me investitorë strategjikë. Në pozicionin e kryetarit, kam detyrimin t’i thërras për të dëgjuar të gjithë deputetët, anëtarë të Grupit Parlamentar” tha Alibeaj.

Ndërsa Salianjit, i cili tha se kryesia e Grupit Parlamentar duhet të mblidhet vazhdimisht, Alibeaj u përgjigj duke sqaruar se të gjitha thirren dhe drejtohen prej kryetarit të grupit parlamentar.

“Për çështje të tilla ju e dini që ka një rregullore që përcakton pozitën, të drejtat, detyrimet e secilit dhe në rregulloren e miratuar në 2017 është nëni 4 që përcakton se mbledhjet e Grupit Parlamentar thirren dhe drejtohen nga kryetari i Grupit Parlamentar. Kështu që është detyrim. Për çështje kaq të rëndësishme do të duhet të dëgjohet, të respektohet zëri i secilit deputet“, tha Alibeaj./CNA.al





Lajmet e fundit nga