web counter
LEXO PA REKLAMA!

SHKARKO APP

App Store
Google Play

Incineratorët/ Tabaku: Bllakon e detyruan të dorëhiqet, të përfshirë në aferë edhe persona të tjerë

4 Maj 2022, 20:50, Politikë CNA

Deputetja Jorida Tabaku ka folur sërish për çështjen e incineratorëve dhe për përfshirjen e Alqi Bllakos në këtë aferë.

Tabaku tha se ka komunikuar me SPAK-un dhe ka mësuar se hetimet po vazhdojnë, ndërsa deklaroi se Alqi Bllakon e detyruan që të japë dorëheqjen nga mandati i tij si deputet.

?Kam këmbyer disa komunikime me drejtuesin e SPAK gjatë, në përfundim dhe pas Komisionit Hetimor, i kam dërguar disa shkresa për t?u interesuar për ecurinë e punimeve. Përgjigjet janë pjesë e sekretit hetimor dhe unë nuk mund t?i bëjë publike, por di të them se hetimet vazhdojnë. Kam lexuar dosjen hetimore të plotë të Alqi Bllakos dhe e kuptoj arsyen se përse e detyruan Alqi Bllakon të japë dorëheqjen nga mandati i tij dhe të mos lejohej të bëhej një seancë publike për ta diskutuar atë?, u shpreh ajo në Ora News.

Duke iu referuar dosjes së Bllakos, deputetja theksoi se të dhënat në dosje janë shqetësuese pasi pretendon se në këtë aferë janë të përfshirë edhe persona të tjerë.

?Të dhënat atje janë jashtëzakonisht shqetësuese, tregojnë se janë të përfshirë edhe persona të tjera, por nga ana tjetër tregojnë se SPAK po vazhdon hetimet?, nënvizoi Tabaku./ CNA.al





Lajmet e fundit nga