web counter
LEXO PA REKLAMA!

SHKARKO APP

App Store
Google Play

“U përdorën për favore”/ PD kërkon komision të posaçëm për verifikimin e Investimeve Strategjike

4 Maj 2022, 12:59, Politikë CNA

Një grup deputetësh të Partisë Demokratike i janë drejtuar me një kërkesë Kuvendit të Shqipërisë, për krijimin e një komisioni të posaçëm për verifikimin e Investimeve Strategjike.

Kërkesa është drejtuar nga deputetët Gazment Bardhi, Dashnor Sula, Jorida Tabaku, Dhurata Çupi, Lefter Gështenja, Arbi Agalliu dhe Ferdinand Xhaferraj.

Deputetët e PD kërkojnë verifikimin e procedurave të dhënies së statusit të investitorit strategjik, duke argumentuar se, megjithëse qëllimi i ligjit për investitorët strategjik ishte pozitiv, ai u përdor për t’u dhënë favore dhe përfitime njerëzve me lidhje të forta personale apo familjare pranë qeverisë dhe drejtuesve të Partisë Socialiste.

Sipas deputetëve mbi këto projekte ka pasur hije dyshimi për korrupsion, favorizim, paligjshmëri, klientelizëm dhe arbitraritet.

?Me qëllim shqyrtimin e të gjitha praktikave të deritanishme të ndjekura nga Komiteti i Investimeve Strategjike, vlerësimin e mundësisë për hartimin e ndryshimeve ligjore në ligjin nr. 55/2015 ?Për Investimet Strategjike në Republikën e Shqipërisë? me qëllim parandalimin e të gjitha praktikave të paligjshme, abuzive apo korruptive, duke pasur parasysh edhe rëndësinë thelbësore që ka për ekonominë tonë rritja e përthithjes së investimeve vendase dhe të huaja, nëpërmjet procedurave të ligjshme, transparente dhe meritokratike, cmojmë të nevojshme ngritjen e një Komisioni të Posacëm Parlamentar për Investimet Strategjike?, thuhet në kërkesën e 7 deputetëve të PD./CNA.al





Lajmet e fundit nga