web counter
LEXO PA REKLAMA!

SHKARKO APP

App Store
Google Play

A do pranonte të bëhej Presidente?/ Përgjigjet Topalli, thirrje politikës

4 Maj 2022, 17:14, Politikë CNA

Ish-kryeparlamentarja Jozefina Topalli ka bërë një thirrje për partitë politike, teksa ka folur për procesin e zgjedhjes së Presidentit.

Topalli kërkoi që procesi parlamentar për zgjedhjen e Presidentit të ri të jetë proces serioz dhe jo proces farsë.

?Deri tani kemi parë një proces që shfaqet herë me zarfa anonime, herë me e-mail, gjë që nuk ka ndodhur kurrë. Presidenti zgjidhet nga Parlamenti dhe është proces parlamentar. Proces parlamentar që duhet të jetë një proces serioz dhe jo një proces farsë pas së cilës duket se kryetari i qeverisë tashmë e ka zgjedhur ose ka në mendjen e tij emrin apo dy-tre emra?, u shpreh ajo në Klan News.

Ndërkohë që mazhoranca është ulur në tryezë me deputetin Enkelejd Alibeaj, ish-nënkryetarja e PD deklaroi se nuk e shikon atë si përfaqësues të opozitës.

?Rregullorja e Kuvendit e ka të qartë të shkruar se kush janë pjesëtarët e konferencës së kryetarëve të cilët shkojnë në emër të forcës politike që përfaqësojnë pas konsultimeve me deputetë. Unë nuk e di në këtë rast se kë përfaqësojnë a në emër të kujt shkojnë, për sa kohë Kuvendi para pak ditësh e ka shkarkuar zotin Alibeaj. Nuk mendoj se duhet të shkojmë deri aty sa mazhoranca të emërojë se cili do të jetë negociator për zgjedhjen e Presidentit sepse është më keq se sa zarfet anonime apo e-mail-et qesharake që i kanë hequr peshën e seriozitetit që duhet të ketë numri 1 i vendit. Kjo nuk është e mirë?, theksoi ajo.

Teksa u pyet nëse do të pranonte të bëhej Presidente, Topalli mohoi të negociojë për këtë post.

?Së pari, zgjedhja e Presidentit duhet të vijë si një proces serioz. Nisja e tij është e kundërt e asaj që presupozohet. Elementi i dytë që krijon një ndjesi jo pozitive është fakti që ata kërkojnë të përcaktojnë se me cilën opozitë do të negociojnë, e gjitha kjo nuk shkon, nuk shkon fare. Kështu që nuk mendoj asgjë?, theksoi Topalli./ CNA.al





Lajmet e fundit nga