web counter
LEXO PA REKLAMA!

SHKARKO APP

App Store
Google Play

Nga 1 maji shërbimet në e-albania/ Denoncon Këlliçi: Nuk punon serveri

4 Maj 2022, 15:15, Politikë CNA

Nga data 1 maj Këshilli i Ministrave vendosi që të mbyllë të gjitha sportelet dhe shërbimet për qytetarët të bëhen online nëpërmjet portalit e-albania.

Por pak më parë, deputeti Belind Këlliçi ka denoncuar se severi i portalit qeveritar nuk punon dhe qytetarët nuk përfitojnë asnjë shërbim.

Ai deklaron se moshat e treta nuk janë në gjendje të navigojnë në internet për të marrë shërbimet online dhe sipas tij, për rrjedhim i drejtohen kundrejt pagesës zyrave private që bëjnë punën e shtetit.

?Që prej datës 1 maj qeveria Rama ka mbyllur sportelet. Shërbimet do të mundësohen nëpërmjet portalit e-albania. Mirëpo sot nuk punon serveri dhe qytetarët nuk përfitojnë asnjë shërbim.

Moshat e treta, jo cilido, nuk janë në gjendje të navigojnë në internet për të marrë shërbimet online. Për rrjedhim i drejtohen zyrave private që bëjnë punën e shtetit. Kundrejt pagesës kuptohet.

Shteti ka rënë tuç. Jo nga armiqtë e huaj apo ata të padukshëm por nga vetë dora që qeveris vendin.

Rama është kryeministri më i paarsimuar në historinë e Shqipërisë pluraliste, më i paaftë dhe ndër vetë socialistët. Vetëm një i pushtuar nga demonët e së shkuarës mund t’u thotë shqiptarëve se rruga e aeroportit bëhet vetëm vajtje. Se kjo është dëshira dhe objektivi i tij politik, që të pakënaqurit të largohen e rrugën ta kenë vetëm vajtje.

Unë them se koha e aventurierit ka mbaruar me kohë e me vakt. Prandaj bashkojini forcat me Partinë Demokratike, që t’i japim vendit një shans të ringrihet nga varfëria ku është plandosur.

Rama kontrollon administratën, financat, mediat dhe bashkitë por jo më Partinë Demokratike.

Ai vetë e di. Përpiqet të na zvarrisë me procese gjyqësore. Ka një kohë për gjithçka?, shkruan deputeti i PD në rrjetet sociale./ CNA.al





Lajmet e fundit nga