web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhja e Presidentit/ Mediu: Opozita të lërë mënjanë protagonizmin, të zgjedhë tre emra konsensualë

4 Maj 2022, 19:59, Politikë CNA

Kreu i Partisë Republikane, Fatmir Mediu, kërkoi që në negociatat për zgjedhjen e Presidentit të ri të përfshihen të gjithë deputetët.

Për këtë propozim, Mediu foli sërish në emisionin ?Now? të Erla Mëhillit, ku tha se ?nuk ka kuptim që në një proces të tillë kaq të rëndësishëm dhe solemn të ketë tre përfaqësi opozitare, ndërkohë që kanë një qëllim të vetëm, arritjen e konsensusit?.

Ai theksoi se opozita duhet të nxjerrë tre emra konsensualë që të përfaqësojnë deputetët, duke marrë miratimin e këtyre të fundit për çdo hap që hedhin.

?Interesi politik i opozitës është që të jetë e bashkuar në këtë qëndrim për përcaktimin e kritereve dhe figurave që do kandidojnë për President Republike. Dhe unë mendoj se duhet lënë mënjanë protagonizmi i çdo individi dhe të gjejnë tre emra konsensualë nga deputetët e opozitës?, u shpreh kreu i PR-së.

?Kemi propozuar se ne duhet të mblidhemi si deputetë. Në duhet të mblidhemi për të krijuar një trupë e cila gëzon besimin e të gjithëve ne. Duhet të jetë një trupë jashtë të gjitha partive politike. Kjo është detyra e parë nëse duam të futemi në këtë proces, ndryshe duhet t’i japin mundësinë PS të deklarojë se këta nuk duan të futen në këtë proces?, nënvizoi Mediu më tej./ CNA.al





Lajmet e fundit nga