Nga spiunazhi, te partia “dhuratë” nga rusët/ Ironia e aktivistit: Tregimet e Frrokut të mbërthejnë magjishëm

5 Maj 2022, 10:25, Politikë CNA

Aktivisti Gjorg Kodra ka ironizuar situatën politike në Shqipëri.

Në një postim në rrjetet sociale, ndërsa ironizon politikën, aktivisti Kodra ka ?shigjetuar? edhe analistin Frrok Çupi, ndërsa shkruan se ?tregimet e Frrokut të mbërthejnë magjishëm?.

?Kur jam i paterezishëm ulem e lexoj tregimet e zhanrit komedi spiunazh të autorit Frrok Çupi.

Ngjarjet zhvillohen në një shtet të Ballkanit dhe personazhi kryesor i tregimeve është nje politikan i rëndësishem i këtij vendi i cili është rekrutuar nga shërbimet ruse që në rininë e tij. Ky personazh pret prej 30 vitesh nën alibinë e një politikani properëndimor të aktivizohet për interesat e vendit rekrutues.

Autori është një mjeshtër i suspansës dhe nuk jep asnjë detaj se kur ky politikan do aktivizohet për të kryer detyrën e ngarkuar nga rekrutuesit e tij, madje herë pas here lexuesi mund dhe të dyshojë se mos shërbimet ruse kanë harruar për ekzistencen e agjentit të tyre të fshehtë.

Profilin si properëndimor të këtij politikani, shërbimet ruse ja kanë ndërtuar me shumë mjeshtri duke i dërguar në mbështetje të lëvizjes së tij plot politikanë perëndimorë të kontrolluar prej tyre, deri dhe presidentë amerikane. Kuptohet që zhanri është komedi spiunazh dhe ngjarjet bëhen gjithmonë e më absurde deri në histeri.

Madje diku nga mesi i ciklit të tregimeve, në një situatë të rrezikshme për zbulimin e identitetit të vërtetë të këtij politikani, shërbimet ruse i kërkojnë agjentit të tyre të fshehtë të cilin kishin arritur ta bënin kryeministër që të anëtarësojë vendin në NATO, duke i dhuruar aleancës një avant post në Ballkan por duke ruajtur me mjeshtëri investimin e tyre në rajon.

Tregimet janë bërë gjithmonë e më dëfryes, mbrëmë po lexoja një episod me nje Lord anglez, Baron me lidhje gjaku me Mbretereshen i cili sigurisht dhe ky agjent rus i dërguar nga ata për të mbështetur rikthimin e agjentit 30 vjecar në krye të partisë që ruset i themeluan dhe ja bënë dhuratë në fillim të viteve 90.

Të shohim si do zhvillohen ngjarjet, tregimet e Frokut të mbërthejnë magjishëm.?-shkruan Gjorg Kodra./CNA.al