web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj thërret Grupin Parlamentar të PD-së/ Boçi: Mbledhja është nul, për Presidentin vendos Këshilli Kombëtar

5 Maj 2022, 09:36, Politikë CNA

Enkelejd Alibeaj ka thirrur sot mbledhjen e Grupit Parlamentar të PD-së.

Ndërkohë, në lidhje me këtë ka reaguar deputeti demokrat, Luçiano Boçi, i cili e ka cilësuar nul mbledhjen në fjalë.

Në një deklaratë për mediat, Boçi theksoi se Alibeaj nuk ka tagrin e demokratëve të cilët e kanë shkarkuar atë në Kuvendin e datës 30 prill.

Sa i takon çështjes së zgjedhjes së Presidentit, Boçi tha se qëndrimin politik e vendos Këshilli Kombëtar, si organi më i lartë vendimmarrës politik pas Kuvendit dhe e pasqyron në qëndrim Grupi Parlamentar.

?Lidhur me mbledhjen e grupit parlamentar, të thirrur sot nga zoti Alibeaj, në cilësinë e nënkryetarit të grupit deklaroj se ajo është nul.
Është nul për dy arsye:
Së pari:
Zoti Alibeaj ka tagrin e Ramës dhe të Ballës, por nuk ka tagrin e demokratëve te cilët e kanë shkarkuar atë në Kuvendin e datës 30 prill.
Së dyti mbledhjen e grupit e thërret Kryesia e Grupit dhe jo një deputet, qoftë ai i njohur nga Rama si përfaqësues grupi.
Prandaj nga ky moment kërkoj në ditët në vazhdim thirrjen e mbledhjes së Kryesisë së Grupit, për të diskutuar e vendosur për mbledhjen e Grupit Parlamentar.
Grupi parlamentar i PD nuk mund të mblidhet sa herë e kërkon e kur e kërkon Rama-Balla.
Ne nuk mund të shkojmë pas qerres së Ramës çfarëdolloj pamjeje të ketë ajo.
Këtu nuk bëhet fjalë për bojkot.
Koha e bojkotit dhe e pazareve ka perënduar.
Qëndrimin politik në raport me çështjen e zgjedhjes së Presidentit e vendos Këshilli Kombëtar, si organi më i lartë vendimmarrës politik pas Kuvendit dhe e pasqyron në qëndrim Grupi Parlamentar.
Kjo është rruga statutore e funksionimit të Partisë Demokratike.?-tha Boçi./CNA.al





Lajmet e fundit nga