“Jeni ku thërret qameti”/ Rama “u përvishet” bankave: Kam fjalët më të këqija për ju

6 Maj 2022, 10:33, Politikë CNA

Kryeministri Edi Rama ka zhvilluar sot një takim me drejtuesit e bankave tregtare në vend, të cilëve u ka kërkuar përmirësime në drejtim të shërbimeve online.

Rama tha se Shqipëria është renditur në vend të parë në rajon për sa u përket shërbimeve online në raportin e BERZH, po shtoi se është ?ku thërret qameti? sa u përket këtyre shërbimeve që bankat ofrojnë ndaj klientëve të tyre.

Kryeministri i krahasoi këto radhë në sportelet e bankave me radhët e qumështit në kohën e komunizmit.

?Shohim radhët që në sabah me njerëz që i orienton një roje aty jashtë. Këto nuk janë ngjarje të përditshme të momentit që jetojmë. Shqipëria nuk mund të jetë në një vend aq të lart në klasifikimin e përgjitshem duke lënë pas edhe vende të zhvilluara në shërbimet online dhe të ketë një gjendje si kjo në shërbimet online të bankave?, tha Rama duke kërkuar nga drejtuesit e bankave që të zgjerojnë shërbimet online dhe të lehtësojnë punën për qytetarët.

?Çdo muaj shkohet për të paguar TVSH, sigurime shoqërore dhe shëndetësore. është një ritual që nuk besoj se ju vjen mirë ta keni te dera e bankës, ndërkohë që është një konsum nervash dhe kohe. Jemi ku thërret qameti në shërbimet online të bankave.

Qytetarë në dyert e bankave sikur të jenë në radhë qumështi. Ska pse një qytetar që ka një kartë krediti apo debiti dhe të shkojë të dera e bankës për të paguar për një shëbrim public. Le ta bëjë përmes e-Albania?, tha kryeministri duke shtuar: Unë e di bankat përballë fitimit nuk njohin as nënë dhe as babë, por jo deri këtu tani.

?Nëse sa i përket fitimit tuaj jeni në shekullin 21, në këtë aspekt, pra në shërbimet online jeni si fermerët. Ka një ndryshim, që ju jeni banka dhe fermerët janë punëtorë të tokës?, vijoi Rama.

Më tej, Rama tha se ?Nuk kam asnjë fjalë të mirë për bankat, kam vetëm të këqija. E them për pjesën teknologjike, sepse sistemi ynë bankar meriton respekt, garanton shërbime të nivelit të lartë. Nuk po flasim për këto. Flasim për këtë çështje që është çështja e shekullit ku jetojmë, ju ftojmë të vini në këtë shekull.?/CNA.al