web counter
LEXO PA REKLAMA!

SHKARKO APP

App Store
Google Play

I riu u vetëvar në qeli/ Berisha, "shuplakë" Gledis Nanos

6 Maj 2022, 11:14, Politikë CNA

Ish-kryeministri Sali Berisha, në një konferencë për mediat, ka reaguar për ngjarjen tronditëse në Kavajë, ku 31-vjeçari Ilvi Meta, u vetëvar në qeli.

?Ilvi Meta humbi jetën në rrethana misterioze në qelitë e zeza të narko-komisariatit të Policisë Kavajë. Unë e kam ndjekur me shumë vëmendje këtë tragjedi njerëzore. Një i ri, që merret për shoqërim apo i arrestuar në qelitë e komisariatit, kjo presupozon se ai hyn në vendin më të sigurt për jetën e tij dhe s?mund të ketë vend tjetër më të sigurt. 

Autopsia tregon shenjë laku, vetëvarje apo e vari xhelati këtë nuk e di. Nuk mund të akuzoj njeri, por nuk mund të konfirmoj se vrau veten. Ilvi, sipas dëshmive, ishte një djalë i hedhur pa asnjë lloj shenje të problemit më të vogël psikologjik apo psiqik. Ai u arrestua me një provë absolutisht të paqëndrueshme??-tha Berisha. 

Berisha ka denoncuar faktin se sipas tij qelitë e sotme në komisariate janë shndërruar në biruca të zeza si qelitë e Sigurimit të Shtetit, duke shënjestruar kështu kreun e Policisë së Shtetit, Gledis Nanon.

?Po merrem dhe jam këtu për të denoncuar faktin se qelitë e sotme në komisariat janë shndërruar në biruca të zeza siç ishin qelitë e Sigurimit të Shtetit?, tha Berisha./ CNA.al





Lajmet e fundit nga