E fundit!

16:16 Aktualitet

Faktet/ Pse Veliaj vonon procesin gjyqësor dhe frika që ka nga drejtësia

Një person, i cili beson te pafajësia e tij, shkon dhe për...

“Kryesia e grupit ka tre muaj që nuk mblidhet”/ Alibeaj del “blof”

6 Maj 2022, 11:02, Politikë CNA

Deputetja Oriola Pampuri ka përcaktuar agjendën e grupit të përkrahësve të Enkelejd Alibeajt.

Pampuri njofton se agjenda është përcaktuar ditën e sotme në një mbledhje të Kryesisë së Grupit Parlamentar të PD-së, në ambientet e Kryesisë së Kuvendit.

Por, pas këtij njoftimi ka reaguar deputeti Ervin Salianji, i cili në një deklaratë për mediat tha se mbledhja e kryesisë së grupit parlamentar të PD-së nuk ka pasur kuorumin e nevojshëm për vendimmarrje.

Ai u shpreh se Luçiano Boçi ka kërkuar shtyrje të mbledhjes, kërkesë që nuk është pranuar nga Enkelejd Alibeaj.

?Sot përmes numrit dy të PS u tha qartë se nuk duan as përfaqësi apo negociim ndërkombëtar. Është kurth që të keqpërdoret çdo deputet i PD-së për të krijuar konceptin e ndarjes në PD. Boçi ka kërkuar që mbledhja e kryesisë së grupit të shtyhet.

Nuk ka pasur përgjigje nga Alibeaj. Është bërë një njoftim i turpshëm ku thuhet se ka pasur mbledhje kryesie dhe janë marrë vendime. Kryesia e grupit përbëhet nga kryesia e vogël, kryetarët dhe nënkryetarët e komisioneve dhe nënkryetari i parlamentit. Ka një shpejtësi për ta ndarë PD dhe për të krijuar perceptimin që një palë është këtej dhe andej. Ka pothuajse tre muaj që nuk funksionon grupi parlamentar. Çdo gjë merret për interes personal.

Mbahen qëndrime edhe ndaj palës tjetër. Kjo pjesa tjetër kërkon që të vendosë damkën që deputetët qenkan mbështetës të një personi që ne kërkuam të ikte. Kryesia e grupit mblidhet në mënyrë të përjavshme. Kryesia e grupit parlamentar, fakti po them që kam komunikuar me zotin Alibeaj nuk besoj se ka ndonjë diskutim nëse ai njihet apo jo. Nuk e shpjegoj dot nxitimin për këtë mbledhje?, deklaroi Salianji.

Ai shtoi se ka një nxitim për t?u mbledhur me socialistët, ndërsa theksoi se për problemet e veta kryesia e grupit ka tre muaj që nuk mblidhet.

?Demokratët kanë vetëm një shqetësim. Si të zgjidhin problemet. Ne nuk mund t?i japim kriteret Edi Ramës si të zgjedhë presidentin e Rrepublikës. Të na përcaktojë kriteret mazhoranca dhe PS dhe emrin ta propozojë Partia Demokratike. Nuk është zgjidhje bojkoti dhe as dhënia në tavolinë e asnjë lloj dakordësie. Duhet të përcaktohet nga maxhoranca kriteri për Presidentin e Republikës.

Nuk përfiton PD asgjë nga kjo. Kërkojnë me nxitim për t?u ulur me Ramën dhe nuk ulemi me njëri tjetrin për problemet tona. Të mos i sjellin njerëzit vërdallë dhe duket sikur çfarë po bëjnë. Kryesia e grupit ka tre muaj që nuk mblidhet. Është e qartë që ka një keqpërodrim nga dikush. Si ka mundësi që grupi parlamentar i PD të marrin atributet e kryesisë. Mbledhjet caktohen në mënyrë të përbashkët. Nuk ka asnjë tagër zëdhënësi i grupit. Nuk ka mbledhje kur nuk ka kuorum?, u shpreh ai.