web counter
LEXO PA REKLAMA!

SHKARKO APP

App Store
Google Play

E fundit!

x

Avokati i popullit, Basha vonon procesin/ Pret të nxjerrë kandidat atë që paguan më shumë?

16 Korrik 2022, 09:53, Editorial CNA
Avokati i popullit, Basha vonon procesin/ Pret të nxjerrë
Lulzim Basha, deputet i PD-së

Ka ngjallur interes të madh ditën e djeshme seanca dëgjimore e zhvilluar nga Parlamenti, me kandidatët e shpallur për postin e avokatit të popullit.

Gjatë një seance që nisi në orën 10.00 dhe përfundoi në orët e vona të pasdites, 20 kandidatët reklamuan më të mirën e vetes dhe dukeshin seriozë në përpjekjet e tyre për të bindur deputetët në zgjedhjen që do të duhej të bënin.

Serioziteti me të cilin u paraqitën kandidatët me siguri ka lidhje edhe me një detaj që nuk mund të kalonte pa u vënë re.

Gara është e hapur dhe është perceptuar si e tillë nga kandidatët. Ndaj, ata prezantonin veten seriozisht dhe me sinqeritet.

Nëse vë re listën ajo mbizotërohet nga kandidatë të djathtë.

Dhe procesi i zgjedhjes së avokatit të popullit kërkon një shumicë që mazhoranca nuk e ka.

Sipas traditës në një garë si kjo, duhet që opozita të përzgjedhë kandidaturën ose kandidaturat e preferuara, dhe më pas mazhoranca të japë fjalën e fundit.

Pra, sot, Luli si drejtues i opozitës nga zyra e Torre Drinit duhet të kishte nxjerrë kandidatët e përzgjedhur prej tij apo prej grupit parlamentar që ai administron.

Fundja vetëm ata njeh Taulanti, ndaj s’kemi çfarë t'i diskutojmë kësaj pjese të muhabetit.

Burime nga Kuvendi bëjnë me dije që ky procesi i mendimit të Lulit mbi kandidaturat do të zgjasë.

Luli ka thënë do të zgjasë deri në shtator. Për ata që njohin stilin me të cilin vendos Luli, sidomos për çështje madhore, tani fillojnë dilemat.

Çfarë po pret Luli?

Avokati i popullit, Basha vonon procesin/ Pret të nxjerrë

Midis kandidatësh të djathtë mund të jetë duke evokuar stilin e përzgjedhjes së kandidatëve për deputet, ose të atyre për kryetar bashkish.

Në rastin e listave të kërkesave për t'u futur në lista kandidatësh për deputet dhe kryetar bashkish, kjo lista e kandidatëve për avokat populli është ku e ku më e shkurtër.

Ato vendimet e atyre listave Luli i merrte natën vonë se aq shumë kishte punuar ditën.  Pasi ishte menduar gjatë si ai ashtu edhe kunati, nxirrnin listat.

Kunati në fakt më shumë kishte numëruar sesa menduar, po ky është hesap më vete.

Tashi ça po pret Luli?

Sipas informacione të CNA.al nga shërbimet e sigurisë së Torre Drinit rezulton se të paktën gjysma e kandidatëve për avokat populli ka takuar Lulin në muajin gjatë të cilit ishte i hapur aplikimi për avokat të popullit.

Duke njohur Lulin besojmë se një bllok është bërë gati ato ditë me një listë emrash që është plotësuar me siguri dhe me gjithë listën e kandidatëve.

Çfarë po pret Luli?

Pasi me siguri ju ka dhënë OK-in të gjithëve që i ka takur në zyrë, pasi parlamenti dëgjoi dhe po pret Lulin.

CNA.al e ka zgjidhjen.

Kandidatët duhet të paraqiten te kunati. Vetëm ai e di se si zgjidhet kjo punë. Të takojnë kunatin ju themi. Vetëm kunati e di se kush është më i miri i kandidatëve.

Se midis 20 vetave nuk ka se si zgjedh ndryshe Luli. Luli nesër ikën me pushime, mos ka ikur që sot, por kunati i di detyrat e veta.

Ka rregulla Luli, nuk përzgjedh qorrazi. Po nuk pa vlerësimin me shifrat, llafet janë kot. I merr era./CNA.al





Lajmet e fundit nga