LEXO PA REKLAMA!

SHKARKO APP

App Store
Google Play

E fundit!

x

Motra e vrasësit serial, në zyrën e sekreteve të NATO-s/ Faktet që “ulërasin”

7 Korrik 2022, 11:18, Editorial CNA

Motra e vrasësit serial, në zyrën e sekreteve të NATO-s/

Në Shqipëri duket se kur plas një skandal, tentojnë të bëjnë një “sy qorr e një vesh shurdh”, duke u nisur me parimin se “çudia më e madhe tri ditë zgjat”, dhe tentojnë që të kalohen në heshtje.

Por, kjo nuk mund të ndodhë edhe me institucionet e drejtësisë, të dala nga Reforma në Drejtësi aq shumë e trumbetuar nga politika, por edhe me një mbështetje të fortë nga partnerët ndërkombëtarë, veçanërisht SHBA-ja.

Dhe SPAK, një ndër institucionet e reja të drejtësisë, tashmë është përballë fakteve që “ulërasin” dhe duhet të zgjohet.

Bëhet fjalë për një skandal të paprecedentë, i denoncuar nga CNA.al, ku nëpërmjet një dokumenti tregohej se motra e një vrasësi serial, i cili po rrëfehet para organeve të drejtësisë, është pajisur me certifikatë sigurie.

Motra e vrasësit serial, në zyrën e sekreteve të NATO-s/

Në kohën kur Nuredin Dumani ishte lajmi i parë në të gjitha mediat dhe po rrëfente para organeve të drejtësisë vrasjet, motra e tij, Xhuljana Dumani, në datën 6 qershor të vitit 2022, ka marrë një certifikatë sigurie, nga DISK.

Pra, sipas dokumenteve të siguruara nga CNA.al, Xhuljana Dumani është punësuar në Ministrinë e Jashtme, në një strukturë të posaçme ku kalojnë informacionet konfidenciale të NATO-s dhe partnerëve ndërkombëtarë.

Motra e vrasësit serial, në zyrën e sekreteve të NATO-s/

Xhuljana Dumani mund të punësohej në çdo pozicion në administratë, por kurrsesi në një strukturë të tillë dhe kurrsesi të pajisej me një certifikatë sigurie.

Nga ana tjetër, ka edhe një detaj. Nuredin Dumani, nuk doli sot, pasi ai ka qenë në kërkim, por problemi është se si Ministrja e Jashtme, Olta Xhaçka, i ka dhënë Xhuljana Dumanit akses te zyra e sekreteve të NATO-s.

Nga ana tjetër, në skandal përfshihet edhe Ministria e Arsimit, që e ka rekomanduar.

Në një reagim të bërë nga ministria e Jashtme, e cila tenton të justifikohet, thuhet se “rekomandimi është bërë nga Ministria e Arsimit”.

Pra, nga ministria e Jashtme pretendohet se nuk janë ata që e kanë punësuar direkt, por është ministrja e Arsimit, ajo që e ka rekomanduar si studente ekselente.

Dhe për më tepër pajiset edhe me certifikatë sigurie.

Dhe në lidhje me këtë janë disa institucione të përfshira në skandal. Nëse DSIK (Drejtoria për Sigurimin e Informacionit të Klasifikuar), siç rezulton, ka dhënë vlerësim pozitiv për të, atëherë dhe të gjitha institucionet e tjera të cilave DSIK ka për detyrë t’u drejtohet, siç është SHISH, policia, prokuroria, etj., janë po ashtu të përfshira.

Fakti është se Xhuljana Dumani, motra e vrasësit serial, që deri para disa ditësh ishte pjesë e Ministrisë së Jashtme dhe jo në një sektor të rëndomtë, por në zyrën e sekreteve të NATO-s, u pajis nga DSIK me certifikatë sigurie të kategorisë së dytë për “sekrete shtetërore”.

Dhe përgjegjësit për këtë skandal, duhet të përballen me drejtësinë./CNA.al

 

Lajmet e fundit nga