web counter
LEXO PA REKLAMA!

SHKARKO APP

App Store
Google Play

E fundit!

x

Motra e vrasësit serial në zyrën e sekreteve të NATO-s/ Kur do zgjohet SPAK?  

25 Qershor 2022, 11:12, Aktualitet CNA

Motra e vrasësit serial në zyrën e sekreteve të NATO-s/ Kur

Prokuroria e Posaçme Kundër Krimit të Organizuar dhe Korrupsionit, e njohur ndryshe si SPAK, një ndër organet e reja të dala nga Reforma në Drejtësi, është parë si shpresë për shqiptarët, që më në fund të gjejne drejtësinë e munguar.

SPAK është trumbetuar fort jo vetëm nga politika në Shqipëri, por edhe ndërkombëtarët, si institucioni që pritet të godasë krimin e organizuar dhe korrupsionin, deri tek zyrtarët më të lartë.

Por, çfarë ndodh?

Tashmë SPAK, ka para një tjetër “gurë prove”.

Bëhet fjalë për një skandal të paprecedentë, i publikuar nga CNA.al disa ditë më parë, ku nëpërmjet një dokumenti tregohej se motra e një vrasësi serial, i cili po rrëfehet para organeve të drejtësisë, është pajisur me çertifikatë sigurie.

Motra e vrasësit serial në zyrën e sekreteve të NATO-s/ Kur

Sipas dokumentit të publikuar nga CNA.al, Xhuljana Dumani, motra e Nuredin Dumanit, në datën 6 qershor të vitit 2022, në kohën kur vëllai i saj ishte lajmi i parë në të gjitha mediat për vrasjet seriale, ka marrë një certifikatë sigurie, nga DISK.

Xhuljana Dumani është punësuar në Ministrinë e Jashtme, në një strukturë të posaçme ku kalojnë informacionet konfidenciale të NATO-s dhe partnerëve ndërkombëtarë.

Motra e vrasësit serial në zyrën e sekreteve të NATO-s/ Kur

Dhe përgjegjësia për këtë bie direkt mbi institucionet shqiptare.

Xhuljana Dumani mund të punësohej kudo në administratën shtetërore, por kurrsesi në një strukturë të tillë dhe aq më tepër të pajiset me një certifikatë sigurie.

Nga ana tjetër, ka edhe një detaj. Nuredin Dumani, nuk doli sot, pasi ai ka qenë në kërkim, por problemi është se si Ministrja e Jashtme, Olta Xhaka, i ka dhënë Xhuljana Dumanit akses te zyra e sekreteve të NATO-s.

Kur do zgjohet SPAK?

Në rastin e skandalit në fjalë, tashmë fjalën e ka drejtësia. SPAK, duhet të vërë para drejtësisë, përgjegjësit që i “dorëzuan” Dumanit edhe sekretete shtetërore.

Dhe nuk është vetëm një institucion, por disa të tillë. Nëse DSIK (Drejtoria për Sigurimin e Informacionit të Klasifikuar), siç rezulton, ka dhënë vlerësim pozitiv për të, atëherë dhe të gjitha institucionet e tjera të cilave DSIK ka për detyrë t’u drejtohet, siç është SHISH, policia, prokuroria, etj., janë po ashtu të përfshira.

Fakti është se Xhuljana Dumani, motra e vrasësit serial, që deri para disa ditësh ishte pjesë e Ministrisë së Jashtme dhe jo në një sektor të rëndomtë, por në zyrën e sekreteve të NATO-s, u pajis nga DSIK me certifikatë sigurie të kategorisë së dytë për “sekrete shtetërore”.

Dhe përgjegjësit për këtë skandal, duhet të përballen me drejtësinë./CNA.al

 





Lajmet e fundit nga