web counter
LEXO PA REKLAMA!

SHKARKO APP

App Store
Google Play

Amnistia fiskale/ Gazetari tregon “skenarin”: Si do i legalizojnë paratë bosët e krimit dhe korrupsionit

24 Qershor 2022, 19:57, Aktualitet CNA
Amnistia fiskale/ Gazetari tregon “skenarin”: Si do i
Gazetari Arsen Rusta

Gazetari Arsen Rusta ka reaguar në lidhje me projektiligjin e Ministrisë së Financave dhe Ekonomisë “për Amnistinë Fiskale”, që lejon një individ, së bashku me familjarët e tij, të legalizojnë pasurinë me vlerë deri në 2 milionë euro, pa provuar burimet se si e kanë siguruar.

Me anë të një statusi në rrjetet sociale, Rusta thotë se ky projektligj favorizon shkelësit ashtu si në xhungël, ku mbijeton më i forti.

Ai e cilëson këtë nismë si një shteg për të legalizuar bosët e krimit dhe korrupsionit e shumë çka që i ndalon ligji, por i favorizon prokura.

Gazetari thekson se me anë të njerëzve të ndershëm, kriminelët dhe të korruptuarit do të legalizojnë paratë.

“Kur ligji favorizon shkelësit!!!

Është fiks si në xhungël, i forti mbijeton dhe në fermën e derrave disa janë të privilegjuar mes të barabartëve!

Vu, OFL-ja Bektashit dhe autokombanjës

Vu, hetimi pasuror, tatimor e ligji antimafia.

Vu, evazioni!!!

Tani Amnistia.

Personalisht do doja shumë të mos ishte vetëm kaq. Por një "restart". Pse jo viti 0. Nga sot e tutje të gjithë të barabartë para ligjit, jo më privilegje. Teksa lexova projekt ligjin për amnistinë thotë si lejohet këtij e atij. Por çuditërisht vetëm njëherë thotë përfaqësuesit me prokurë!!! Ja një shteg sërish për të legalizuar bosët e krimit, korrupsionit e shumë çka që i ndalon neni x por i favorizon prokura.

X, kriminel zgjedh që me një prokur t’ia kalojë tagrat e pasurisë y individi të ndershëm, por jo të pasur.

Pastaj pas legalizimit shtetasi Y do ia shesë X.

Si do pengohet mostransferimi 5 vite i kapitalit në cryptovalut kur vetë paraja virtuale është online. E përdor si të duash e ku të duash.

Po pasi fut paratë në bankë dhe një master card i tërheq kudo nëpër botë!!!

Ja pra që amnistia në vetvete s’është dhe aq e keqe, por shiheni e njëherë. Ata që i ndaloni si subjekte me ligj i lejoni me prokurë”, shkruan Rusta./ B.A. – CNA.al





Lajmet e fundit nga