LEXO PA REKLAMA!

SHKARKO APP

Video-Do të kryente sulm terrorist në Itali/ Kosovarit ia prishin planet, prangoset bashkë me gruan

24 Qershor 2022, 12:46, Aktualitet CNA
Video-Do të kryente sulm terrorist në Itali/ Kosovarit ia prishin
Foto ilustruese

Policia italiane ka vënë në pranga një çift nga Kosova, pasi akuzohen se ishin trajnuar që të kryenin një sulm terrorist në Itali, në emër të ISIS-it.

Sipas mediave italiane burri dhe gruaja dyshohet se janë trajnuar nga xhihadistët për të kryer sulmin përmes shpërthimit në emër të organizatës terroriste “Shteti Islamik” (ISIS).

Për këtë arsye, më 15 qershor karabinierët e Ros-ve lëshuan një urdhër ndalimi, të lëshuar nga Prokurori i Trentos, ndaj dy të dyshuarve.

Ndërsa gjykata vendosi më 18 qershor masën e sigurisë ‘arrest shtëpie’. Për burrin u vendos detyrim edhe mbajtja e byzylykut elektronik.

Sipas hetuesve, dy të dyshuarit pasi të kryenin sulmin në Itali, do të arratiseshin drejt Afrikës, për t'iu bashkuar organizatës terroriste “Shteti Islamik”.

Gjatë operacionit u sekuestruan pajisje kompjuterike dhe produkte kimike, lëndë për prodhimin e mjeteve shpërthyese, të cilët u çuan për hetime.

Lajmet e fundit nga