web counter
LEXO PA REKLAMA!

SHKARKO APP

App Store
Google Play

E fundit!

x

“Lufta” me flakët/ KLSH: Mungojnë helikopterët, zjarrfikësit, s’kanë mjetet e nevojshme

24 Qershor 2022, 10:20, Aktualitet CNA
“Lufta” me flakët/ KLSH: Mungojnë helikopterët,
Foto ilustruese

Raporti i Këshillit të Lartë të Shtetit për vitin 2021, tregon se ka pasur probleme në menaxhimin e situatave të zjarrit në vend.

Sipas raportit të KLSH-së, 4 nga helikopterët Cougar, që kanë Forcat e Armatosura, vetëm njëri ka qenë funksional në vitin 2021.

Ndër të tjera në raport theksohet se është shkelur dhe ligji për marrjen me qira të helikopterëve për shuarjen e zjarreve.

“Gjendja e mangët operacionale e helikopterëve të Forcave të Armatosura të destinuar për emergjencat civile (zjarret), ka krijuar boshllëk në kryerjen e operacioneve të shuarjes së zjarreve të rëna në vendin tonë. Konkretisht.

Ministria e Mbrojtjes nga 4 helikopterë gjithsej, ka në gjendje operacionale vetëm një helikopter të gatshëm, i cili është përdorur gjatë operacioneve të shuarjes së zjarreve të rëna në vendin tonë gjatë verës së këtij viti. Në këtë kontekst, shpenzimi prej 36,069,300 lekësh për blerjen e shërbimit me dy helikopterë nga shoqëria 'V.H.' nga AKMC, nuk do të ishte kryer në qoftë se Ministra e Mbrojtjes do të kishte përdorur kapacitetet e veta operacionale, si dhe AKMC nuk do të kishte drejtuar Mekanizmat Europianë të Mbrojtjes Civile ERCC, për ndihmë ndërkombëtare, ndihmë e cila ka ardhur nga shteti holandez me 3 mjete helikopter dhe 76 veta personel, Republika Çeke me 2 mjete helikopter me 7 veta personel.

Gjithashtu USAID ka ofruar asistencë teknike mbi metodat e shuarjes së zjarreve në pyje me 4 veta personel, të cilët lehtësuan procesin e shuarjes së zjarreve në vatrat më kritike të vendit”, thuhet në raport.

Gjithashtu, në raport theksohet se zjarrfikësit nuk kanë mjetet e duhura për shuarjen e zjarreve.

“Lufta” me flakët/ KLSH: Mungojnë helikopterët,

Nga 61 bashki në shkallë Republike, janë marrë të dhëna në 55 prej tyre, në të cilat raportohen 152 zjarrfikëse.

Nga këto 131 në gjendje pune, 8 me defekte të vogla, 3 me defekte të konsiderueshme, 10 jashtë përdorimit dhe 36 të patarguara (pa dokumentacion).

Shumë nga zjarrfikëset në dispozicion janë të vjetruara (disa që datojnë nga vitet gjashtëdhjetë), janë në gjendje të keqe dhe nuk janë të ndërveprueshme sepse janë dhuruar nga vende të ndryshme. Numri i zjarrfikësve profesionistë për vitin 2021 është 1295.

"Popullsia në Republikën e Shqipërisë më 1 janar 2021 është 2,829,741 banorë. Numri i banorëve/zjarrfikës për vitin 2021 është 2,185, duke kaluar 205 banorë për zjarrfikës, në kundërshtim me Ligjin 152/2015 'Për shërbimin e mbrojtjes nga zjarri dhe shpëtimin' neni 7, pika 5 - Bashkive dhe njësive administrative u mungojnë pajisjet mbrojtëse personale dhe pajisje të jashtme për shuarjen e zjarreve, si: Kostume antizjarr, kundërgaz, çizme kundër zjarrit, doreza kundër zjarrit etj.

Pompa shpine gjithsej 243, nga këto profesionale 221, të zakonshme 22, fikëse me pluhur 568, me CO2 92, pompa thithëse 23 dhe pompa të ndryshme 55.

Sipas Ligjit Nr. 152/2015, 'Për Mbrojtjen nga Zjarri dhe Shërbimin e Shpëtimit', shumica e kompetencave të shuarjes së zjarrit u transferuan nga prefekturat te bashkitë, duke lënë në nivel qendror vetëm legjislacionin, trajnimin dhe bashkëpunimin mes strukturave të shuarjes së zjarrit”, - thuhet në disa pika të raportit./CNA.al





Lajmet e fundit nga