RCC do të prezantojë Balkan Barometer 2022 & SecuriMeter, në Bruksel

23 Qershor 2022, 20:15, Aktualitet CNA

RCC do të prezantojë Balkan Barometer 2022 & SecuriMeter, në

Këshilli i Bashkëpunimit Rajonal (RCC) do të prezantojë botimet e vitit 2022 të Barometrit Ballkanik & SecuriMeter, më 24 qershor 2022, duke filluar nga ora 10:00, në Bruksel. Ky është edicioni i 8-të i Barometrit ballkanik dhe i dyti për SecuriMeter të Ballkanit Perëndimor. I gjithë prezantimi do të transmetohet drejtpërdrejt në "YouTube" dhe "Facebook" të RCC.

Të dhënat që do të zbulohen këtë të premte tregojnë se si kanë ndryshuar perceptimet e qytetarëve tanë për disa tema, ndikuar nga ndryshimet dramatike që goditën Europën në fillim të këtij viti, si lufta në Ukrainë, përpjekjet për rimëkëmbje nga pandemia, goditja e inflacionit të madh dhe kriza globale ekonomike.

Balkan Barometer & SecuriMeter janë sondazhe vjetore të opinionit publik dhe të biznesit të porositura nga RCC, të cilat shqyrtojnë perceptimet dhe pritshmëritë e qytetarëve të Ballkanit Perëndimor dhe bizneseve për shumë fusha e tematika të tilla si integrimi në BE dhe bashkëpunimi rajonal, dixhitalizimi, punësimi, siguria, krimi i organizuar, emigrimi, radikalizimi online, etj.

Të dhënat kryesore do të prezantohen nga Majlinda Bregu, Sekretarja e Përgjithshme e Këshillit të Bashkëpunimit Rajonal, Alesandra Viezzer, shefja e njësisë, DG NEAR, Marie Delile, këshilltarja e ngarkuar e Ballkanit, në Përfaqësimin e Përhershëm të Francës në BE dhe Andrea Cascone, Drejtori i Ballkanit Perëndimor në Ministrinë e Punëve të Jashtme dhe Bashkëpunimit Ndërkombëtar të Italisë.

Të dhënat e barometrit do të diskutohen në panelin me temë “Rimendimi (mbi) sigurinë në Ballkanin Perëndimor: Shkuarja përpara për një të ardhme më të ndritur”. Panelistë janë Gentian Elezi, nga Qendra Shqiptare për Konkurrencën dhe Tregtinë Ndërkombëtare; Dimitar Beçev, Studiues/ Vizitues në Carnegie Europe, Valbona Zeneli, Kryetare e Departamentit të Nismave Strategjike në Qendrën Evropiane për Studime të Sigurisë George C. Marshall dhe Dejan Jovi?, profesor në Fakultetin e Shkencave Politike në Universitetin e Zagrebit.

Moderator do të jetë Radu Magdin, Drejtor i Përgjithshëm në Smartlink Communications SRL./CNA.al