‘Vihet në Lushnjë vetëm për të bërë foto me shalqi’/ Deputeti demokrat ‘nuk përmbahet’ në Kuvend

23 Qershor 2022, 16:10, Aktualitet CNA
‘Vihet në Lushnjë vetëm për të bërë
Saimir Korreshi

Deputeti demokrat i Lushnjës, Saimir Korreshi ka folur me tone të forta sot në Kuvend, ku ka hedhur akuza lidhur me hartën e re gjyqësore, miratuar nga KLGJ, duke e quajtur një skandal.

"Shikojmë efektivitetin që ka kjo Gjykatë ose numrin e çështjeve.

Është një nga Gjykatat që ka numrin më të madh të çështjeve në shkallë vendi. Edhe ky kriter është gjuajtur me shkelmë nga ana juaj. A e kanë menduar ndonjëherë këta zotërinj se çfarë do ndodhë me banorët e qytetit të Lushnjës që do detyrohet të bëjnë 40 km për të shkuar në Fier? Dhe këtu parti është mbi të gjitha. Partia e shëndoshë, por njerëzit le të sorollaten. Ky është skandal. Ne i kemi kapacitet që mos e kthejmë këtë qytet në fshat.

Vihet në Lushnje vetëm për të bërë foto me shalqi. Ama për të shitur as që bëhet fjalë. Ama fotot kanë dalë shumë bukur dhe me efekt dielli.  Ju nuk mund të talleni me Lushnjën.

 Nuk mund t’i hiqni Gjykatën, Prokurorinë, shërbimin e provës. I keni hequr çdo gjë, të paktën lërini dinjitetin", tha deputeti./E.T-CNA.al

Lajmet e fundit nga