Milioneri grabitës që bleu vota për PS-në/ Kush është spiuni që vishej si antidroga

23 Qershor 2022, 12:34, Aktualitet CNA

Milioneri grabitës që bleu vota për PS-në/ Kush

Vila e sekuestruar e Gentjan Sharrës

Kreu i PD-së, Sali Berisha, ka deklaruar sot se anëtarë të bandës së Elbasanit kanë blerë vota për PS-në.

Berisha përmendi emrin e Gentjan Sharrës, të arrestuar së fundmi nga SPAK-u gjatë operacionit policor “Golden Bullet”, pas rrëfimit të Nuredin Dumanit.

Por kush është Gentian Sharra?

Sharra ka profilin e një milioneri grabitës, i cili herë spiunonte dhe herë vishej si antidroga.

Nga të dhënat hetimore Gentian Sharra, 48 vjeç, është i implikuar në trafik të lëndëve narkotike, krime kundër personit dhe krime ekonomike.

Gentian Sharrës dhe babait të tij, Mustafa Sharrës u janë sekuestruar pasuri me vlerë 5 mln euro në qytetin e Elbasanit.

Mustafa Sharra njihet edhe si miku i Talo Çelës. Është vërtetuar se për një periudhë kohore Talo Çela ka qenë si i punësuar te firma e bashkëshortes së Gentian Sharrës, Olta Sharra.

Akuzat ndaj Gentian Sharrës

“Vjedhje me dhunë”, në dëm të shtetasit Lirak Bajraktari ndodhur në Elbasan në datën 22.02.2011, kryer në bashkëpunim në formën e posaçme të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

“Vjedhje me dhunë”, në dëm të shtetasit Shyqyri Shala, e kryer në datën 13.02.2012 në qytetin e Kavajës, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

“Vjedhje me dhunë”, në dëm të shtetasit Hamit Haxhia, e kryer në datën 11.02.2013 në qytetin e Durrësit, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

“Vjedhje me armë në bashkëpunim”, në dëm të shtetasit Xhemali Liçi (ngjarje e ndodhur në datën 19.12.2012 në qytetin e Elbasanit), “Prodhimi dhe mbajtja pa leje e armëve dhe municioneve luftarake”, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe ‘’Kryerja e veprave penale nga grupi i strukturuar kriminal dhe organizata kriminale”.

“Vjedhje me dhunë”, në dëm të shtetasit Hamdi Sharka (ndodhur në fshatin Polizhan–Berat), kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.