E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

“Dje ‘ish-brekëgrisur e kacidhjarë’, sot puthadorë e këpucëfshirës”/ Tritan Kalo, me tone të forta ndaj qeveritarëve

22 Qershor 2022, 19:11, Aktualitet CNA

“Dje ‘ish-brekëgrisur e kacidhjarë’, sot

Tritan Kalo

Mjeku i njohur, profesor Tritan Kalo, ka bërë një analizë ta gjatë të situatës aktuale në vendin tonë ku përpos korrupsionit në të gjitha hallkat e tij dhe varfërimit çdo gjë po shkon ‘lumë e më lumë’.

Me tone të forta ai shkruan se Shqipëria nuk është e disa qindra milionerëve deri dje “ish-brekëgrisur e kacidhjarë”, por sot puthadorë, këpucëfshirës e pjestarë të “oborreve qeveritare të djeshme dhe të sotme”, por e të gjithë shqiptarëve.

Analiza e plotë:

A mundet të quhet funksional një SHTET ku përpos KORRUPSIONIT në të gjitha hallkat e tij si dhe VARFËRIMIT tonë të përditshëm, çdo gjë shkon lumë e më lumë?!?!….

Bëjmë Reformë teritoriale “gjoja për minimizimin e strukturave administrative, kursimin e 80 milion dollarëve në vit, afrimin e shërbimeve dhe cilësimin e tyre ndaj popullatës, dhe rezultati një Rireformë tjetër teritoriale po brënda mandateve të Rilindjes….

Bëjmë Reformë në Drejtësi dhe më shumë e çorientojmë funksionalitetin e saj, se sa u ofrojmë optimizëm për zgjidhjen e çështjeve të gjithëve NE, që shpresuam se edhe pse e vonuar DREJTËSIA NUKU DO TË ISHTE E MUNGUAR….

Organet Ligjzbatuese humbasin kohën me “krasitje hashashi” skërkave të kodrave dhe maleve, duke lënë të lulëzojë krimi ndaj jetës në mes të qyteteve, dhe siguria e saj sa vjen e bëhet më e pasigurtë…

STRUKTURAT ADMINISTRATIVE u mbushën e vijojnë të mbushen me turli aguridhesh e çupërlinash pa asnjë eksperiencë e pa as më të voglën ndjenjë përgjegjësie, për detyrën e caktuar dhe detyrimin ndaj këtij populli…..

GËZOHEMI se ua lehtësojmë testet e provimeve maturantëve, në vënd që të ndodhë dijesimi i tyre sa më cilësor përgjatë 12 viteve të arsimimit, dhe në fund të këtij cikli në përputhje me programet e dijedhënies të hartohen teza, të cilat të stratifikojnë si duhet dijemarrësit, dhe jo të kënaqemi me fiktivitet rezultatesh, sepse dijeshumët janë shumë më të dobishëm si për veten e tyre, po ashtu edhe për vetë NËNË LOKEN SHQIPËRI….

RRAHIM GJOKSIN se do luftojmë korrupsionin pronësor, dhe e pa drojë dalim e flasim për katrahurën që vijon të mbretërojë në zyrat tona hipotekore e kadastrale?!?!….Për çdo vit priten e rrënohen me qindra hektarë pyjesh, toka po ekspozohet edhe më shumë ndaj EROZIONIT, dhe çuditërisht askush nuku kapet e ndëshkohet për këtë krim mjedisor ndërbrezor….

Flakët përpijnë fusha, kodra e male dhe ne vijojmë të presim të na ndihmojnë fluturakët e huaj për t’i shuar ato sepse jemi të zënë me projekte portesh e aeroportesh, thua se ky vënd është qindra-mijra kilometra katrorë, por që edhe popullata vëndore së bashku me atë turistike kurrë nuk pritet të mbrijë në 14-15 “meleonë”….

Fillojmë e ndërtojmë rrugë dhe ato në vijim të të shumëbujëshmes “Ruga e Kombit” po mbeten rrugëve, si edhe kostot e tyre janë marramendëse, të pa krahasueshme me asnjë të përngjashme të tyre në Europë e më gjërë….Lëmë djerr tokat tona dhe me sytë nga Bota presim të na sjellin grurë, misër, elb, lule dielli.”, etj. ose edhe më keq akoma kur fermeri ynë i prodhon ato preferojmë të mos ua blemë disi më lirë nga produkti i importit, por të favorizojmë me blerjet tona fermerët sërb, rus, ukrainas, kanadezë apo francezë….

Blegtoria dhe produktet e saj po njohin vetëm ulje në mbarështrimin e krerëve apo në prodhimet blegtorale, të cilat pak kontrollohen për cilësinë e tyre para se t’i ofrohen konsumatorit….I prishëm të gjithë uzinat prodhuese të plehrave kimike, dhe tashmë importuesit e tyre oreksmëdhenj ua kanë çuar në stratosferë çmimet, duke ua bërë të pamundur fermerëve tanë blerjen dhe përdorimin e tyre….Vëndi i cili kishte jo pak por pesë (5) Rafineri të përpunimit të naftës të cilat mbrinin të prodhonin deri në gazoil avjonësh e vajra lubrifikues, sot i pret këto prudukte që të vinë nga deti, dhe çmimet e tyre variojnë sipas oreksit të atyre pak duarve të cilat zotërojnë importimin e tregtimin e hidrokarbureve….

Vëndi i cili para 1990-ës siguronte së paku një gjysëm miliard dollarë vetëm nga eksporti i kromit, sot ka bërë miliarderë shfrytëzuesit e kësaj pasurije natyrore të Shqiptarëve, por që në xhepat e tyre hynë pak ose as një cent i vetëm nga “kromi që dikur çante bllokadën”….ENDE nuku kemi përcaktuar minimumin jetik, çka shërben si bazë për përcaktimin e pagës minimale, të pensioneve minimale/sociale, të asistencës sociale, etj…..

NË KËTË MËNYRË do të vijojmë “t’a mbrothësojmë” këtë vend dhe do “t’i mbajmë shqiptarët” në vendin e tyre “ku balta është më e ëmbëk se mjalta”?!?!….

SHQIPËRIA NUKU ËSHTË E DISA QINDRA MILIONERËVE deri dje “ish brekëgrisur e kacidhjarë”, por sot puthadorë, këpucëfshirës e pjestarë të “oborreve qeveritare të djeshme dhe të sotme”, POR AJO ËSHTË E TË GJITHË SHQIPTARËVE!!!!…..Quo vadis Shqipëria ime e këndej Drinit?!?!